ادنی سا ثنا خوانِ رسول عربی ہوں
میٹھی ہیں مری باتیں نمک خوار نبی ہوں
Adna sa sana khawan e Rasool Arabi hoon
Meethi hain meri baatein namak khawar Nabi hoon
پڑھتا نہیں دنیا کے میں شاہوں کے قصیدے
کافی ہے مجھے اتنا کہ مداح علی ہوں
Parhta nahi duniya ke mein shahoon ke qaseede
Kaafi hai mujhe itna ke madah Ali hoon
حاصل ہے مجھے ان کے غلاموں کی غلامی
میں کیوں نہ کہوں خود کو مقدر کا دھنی ہوں
Haasil hai mujhe un ke ghulamon ki ghulami
Mein kyon na kahoon khud ko Muqaddar ka dhani hoon
ذات ان کی کہاں اور کہاں مجھ سا گنہگار
آقا ہیں مرے شاہ عرب میں عجمی ہوں
Zaat un ki kahan aur kahan mujh sa gumahgaar
Aaqa hain mere Shah e Arab mein Ajami hoon
دیکھو نہ حقارت سے مجھے دیکھنے والو
ذرہ ہوں مدینے کا میں ہیرے کی کنی ہوں
Dekho na haqaarat se mujhe dekhne waalo
Zarra hoon Madine ka mein heere ki kani hoon
اے کاش نکیرین مجھے پوچھیں تو کہہ دوں
پڑھتا تھا جو سرکار کی نعتیں میں وہی ہوں
Ae kaash Nakeerein mujhe poochhein to keh doon
Parhta tha jo Sarkar ki naatein mein wohi hoon
دامن میں مرے بھیک ہے سرکار کے در کی
شاہوں سے میں اچھا ہوں طبیعت کا غنی ہوں
Daaman mein mere bheek hai Sarkar ke dar ki
Shahoon se mein acha hoon tabiyat ka ghani hoon
یہ کتنا کرم مجھ پر نیازی ہے خدا کا
مداح پیمبر ہوں میں ہر غم سے بری ہوں
Ye kitna karam mujh par Niazi hai Khuda ka
Madah Paighambar hoon mein har gham se bari hoon
Share This Naat
Share with friends and family
ادنی سا ثنا خوانِ رسول عربی ہوں
عبدالستار نیازی