گلی کوچہ مثالِ کہکشاں ہے
مدینے کی زمیں بھی آسماں ہے
Gali koocha misaal-e-kahkashan hai
Madine ki zameen bhi aasman hai
یہ محبوبی کا عالم اللہ اللہ
جدھر دیکھو، ہجومِ عاشقاں ہے
Yeh mahboobi ka alam Allah Allah
Jidhar dekho, hajoome aashiqan hai
ذرا سوچو کہ وہ کیا کچھ نہ ہوگا
خدا جس شخص کا خود مدح خواں ہے
Zara socho ke woh kya kuch na hoga
Khuda jis shakhs ka khud madah kha hai
اسی کے ذکر میں ہے راحتِ جاں
جو ہستی وجہِ تخلیقِ جہاں ہے
Isi ke zikr mein hai rahat-e-jaan
Jo hasti wajah-e-takhleeq-e-jahan hai
مدینے میں ہماری موت آئے
مدینے میں حیاتِ جاوداں ہے
Madine mein hamari maut aaye
Madine mein hayaat-e-javedan hai
ہمیں ہے فخر ہم امت ہیں اس کی
رسولوں کا جو میرِ کارواں ہے
Hamein hai fakhr hum ummat hain us ki
Rasoolon ka jo mir-e-karwaan hai
دوائے دردِ دل آقاؐ ادھر بھی
یہ اختر لکھنوی بھی نیم جاں ہے
Dawa-e-dard-e-dil aka (SAW) idhar bhi
Yeh Akhtar Luckhnavi bhi neem jaan hai
Share This Naat
Share with friends and family
گلی کوچہ مثالِ کہکشاں ہے
اختر لکھنوی