گدا نواز در لطف کا گدا رکھنا
جہاں میں مجھ کو نہ محتاج غیر کا رکھنا
Gada nawaz dar e lutf ka gada rakhna
Jahan mein mujhe na mohtaaj e gair ka rakhna
جو چاہتے ہو مقدر کو جاگتے رکھنا
تم اپنے آقا و مولا سے رابطہ رکھنا
Jo chahte ho muqaddar ko jagate rakhna
Tum apne aaqa o maula se rabta rakhna
کریم خیر ہو تیری کرم نوازی کی
میں جس جگہ پر پڑا ہوں میرا پتہ رکھنا
Kareem khair ho teri karam nawazi ki
Mein jis jagah par pada hoon mera pata rakhna
کسی کے آگے نہ دستِ طلب دراز کروں
کرم سے اپنے یہ دامن میرا بھرا رکھنا
Kisi ke aage na dast e talab daraaz karoon
Karam se apne ye daaman mera bhara rakhna
میں تجھ کو واسطہ دیتا ہوں سبز گنبد کا
ہر ایک بوٹا میرے باغ کا ہرا رکھنا
Mein tujh ko waasta deta hoon sabz gunbad ka
Har aik bota mere baagh ka hara rakhna
تیرے کرم کا بھکاری ہوں میں کہاں جاؤں
حضور مجھ پہ عنایت کا در کھلا رکھنا
Tere karam ka bhikari hoon mein kahan jaoon
Huzoor mujh pe inayat ka dar khula rakhna
نہیں ہے مجھ کو ضرورت کسی سکندر کی
میں تیرے در پہ جھکا ہوں مجھے جھکا رکھنا
Nahi hai mujhe zarurat kisi Sikandar ki
Mein tere dar pe jhuka hoon mujhe jhuka rakhna
حضور آئیں گے تیرے غریب خانے پر
نبی کی یاد کے پھولوں سے گھر سجا رکھنا
Huzoor aayenge tere gareeb khane par
Nabi ki yaad ke phoolon se ghar saja rakhna
تم اپنی منزل مقصود سے نہ بھٹکو گے
ہمیشہ یاد مدینے کا راستہ رکھنا
Tum apni manzil maqsood se na bhatkoge
Hamesha yaad Madine ka rasta rakhna
نبی کے در کے فقیروں کا احترام کرو
ادب دلوں میں نبی کے غلام کا رکھنا
Nabi ke dar ke faqeeron ka ehtram karo
Adab dilo mein Nabi ke ghulam ka rakhna
یہی ہے آرزو میری یہی تمنا ہے
چھپا کے دامن رحمت میں اے خدا رکھنا
Yahi hai aarzu meri yahi tamanna hai
Chhupa ke daaman e rehmat mein ae Khuda rakhna
جو چاہتے ہو نیازی نبی کا قرب ملے
ہمیشہ آلِ محمد سے واسطہ رکھنا
Jo chahte ho Niazi Nabi ka qurb mile
Hamesha Aal e Muhammad se waasta rakhna
Share This Naat
Share with friends and family
گدا نواز در لطف کا گدا رکھنا
عبدالستار نیازی