مریضِ ہجر کا مشکِل ہے جینا یارسوؐل اللہ
دکھا دیجئے دکھا دیجئے مدینہ یا رسوؐل اللہ
Mareez-e hijr ka mushkil hai jeena ya Rasool Allah
Dikha dijiye dikha dijiye Madina ya Rasool Allah
غریقِ بحرِ عصیاں ہیں گرفتارِ مصیبت ہیں
کنارے سے لگا دیجئے سفینہ یارسوؐل اللہ
Ghareeq-e bahr-e asiyan hain giraftar-e museebat hain
Kinare se laga dijiye safeena ya Rasool Allah
نچھاور گنبدِ خضرا پہ جا کر جان و دل کردوں
کوئی ایسا بھی آجائے مہینہ یارسوؐل اللہ
Nichaawar gunbad-e khizra pe ja kar jaan o dil kar doon
Koi aisa bhi aajaye maheena ya Rasool Allah
چھپا لو اب چھپا لو اپنے دامانِ شفاعت میں
خطاؤں پر ہے نادم یہ کمینہ یا رسوؐل اللہ
Chhupa lo ab chhupa lo apne daaman-e shafaat mein
Khataon par hai nadim yeh kameena ya Rasool Allah
کشادہ ہوگئی آغوش رحمت اے زہے قسمت
جو آیا شرمِ عصیاں سے پسینہ یارسوؐل اللہ
Kushaada hogayi aaghoush rehmat aye zahe qismat
Jo aaya sharm-e asiyan se paseena ya Rasool Allah
غمِ دنیا کی ظلمت مجھ سے کترا کر گزر جائے
منّور اس قدر ہو جائے سینہ یارسوؐل اللہ
Gham-e duniya ki zulmat mujh se kutra kar guzar jaye
Munawar is qadar ho jaye seena ya Rasool Allah
خزانہ رحمتوں کا رات دن بٹتا ہے منگتوں میں
تمہارا دَر ہے رحمت کا خزینہ یارسوؐل اللہ
Khazana rehmaton ka raat din bat'ta hai mangton mein
Tumhara dar hai rehmat ka khazina ya Rasool Allah
حضورؐ اپنے کرم اپنی عطاؤں پر نظر کیجئے
دعاء کا بھی نہیں مجھ کو قرینہ یارسوؐل اللہ
Huzoor apne karam apni ataon par nazar kijiye
Dua ka bhi nahi mujh ko qareena ya Rasool Allah
عطا کردو وہ معراجِ تصّور اپنے خالدؔ کو
جدھر دیکھے نظر آئے مدینہ یا رسوؐل اللہ
Ata kardo woh mairaj-e tasawwur apne Khalid ko
Jidhar dekhe nazar aaye Madina ya Rasool Allah
Share This Naat
Share with friends and family
مریضِ ہجر کا مشکِل ہے جینا یارسوؐل اللہ
خالد محمود خالد