اے کرم کے آفتابِ ضوفشاں خوش آمدید
مظہرِ نور خدائے دو جہاں خوش آمدید
Ae karam ke aftaab-e-zofashaan khush aamdeed
Mazhar-e-noor khuda-e-do jahan khush aamdeed
آپ کے آنے سے تابندہ ہوئی ہر انجمن
تیرگی کا گم ہوا نام و نشاں خوش آمدید
Aap ke aane se taabinda hui har anjuman
Tirgi ka gum hua naam o nishaan khush aamdeed
غم کے ماروں کے لبوں کو مسکرانا آگیا
آپ کے صدقے انیسِ بے کساں خوش آمدید
Gham ke maaron ke labon ko muskurana agaya
Aap ke sadqe aneese be kasaan khush aamdeed
کر دیا بھٹکے ہوؤں کو منزلوں سے ہم کنار
آپ نے اے سب کے میرِ کارواں خوش آمدید
Kar diya bhatke huon ko manzilon se hum kinaar
Aap ne ae sab ke meer-e-kaarwan khush aamdeed
ہو گیا کافور پل میں بول بالا کفر کا
اوج پر ہے پرچمِ وحدت یہاں خوش آمدید
Ho gaya kafoor pal mein bol bala kufr ka
Uuj par hai parcham-e-wahadat yahan khush aamdeed
رحمتِ عالم ترے حسنِ نظر کے فیض سے
نور ساماں ہو گیا سارا جہاں خوش آمدید
Rehmat-e-aalam tere husn-e-nazar ke faiz se
Noor saamaan ho gaya sara jahan khush aamdeed
آپ آئے باغِ عالم میں کِھلے رحمت کے پھول
نازشِ حسنِ بہارِ گلستاں خوش آمدید
Aap aaye bagh-e-aalam mein khile rehmat ke phool
Nazish-e-husn-e-bahaar-e-gulistan khush aamdeed
باغِ ہستی میں تبسم ریز غنچے ہوگئے
ہوگئی افسردگی ماتم کناں خوش آمدید
Bagh-e-hasti mein tabassum rez ganche hogaye
Ho gayi afsurdagi maatam kanaan khush aamdeed
جانبِ احسؔن بھی ہو لطف و عنایت کی نظر
اہلِ رنج و غم کے اے راحت رساں خوش آمدید
Janib-e-ahsan bhi ho lutf o inayat ki nazar
Ahl-e-ramj o gham ke ae rahat rasan khush aamdeed
Share This Naat
Share with friends and family
اے کرم کے آفتابِ ضوفشاں خوش آمدید
احسن اعظمی