میں لکھ لوں نعت جب تو نُور کی برسات ہوتی ہے
تصور میں مرے بس مصطفیٰ کی ذات ہوتی ہے
Main likh loon naat jab to noor ki barsaat hoti hai
Tasawwur mein maray bas Mustafa ki zaat hoti hai
چھلک جاتے ہیں آنکھوں سے یہ اشکوں کے حسیں موتی
کہ جب سرکار کے لطف و کرم کی بات ہوتی ہے
Chhalak jatay hain aankhon se yeh ashkon ke haseen moti
Ke jab Sarkar ke lutf o karam ki baat hoti hai
مَیں اپنے دل کے آنگن میں کبھی محفل سجاتی ہوں
تو میرے چار سو جلوؤں کی اک بارات ہوتی ہے
Main apnay dil ke aangan mein kabhi mehfil sajati hoon
To meray chaar soo jalwon ki ek baraat hoti hai
مرے افکار میں الفاظ ایسے ہی چمکتے ہیں
کہ جیسے تیرگی میں جگمگاتی رات ہوتی ہے
Maray afkar mein alfaaz aisay hi chamaktay hain
Ke jaisay teeragi mein jagmagati raat hoti hai
مجھے شعر و سخن کا کچھ سلیقہ تو نہیں آتا
عطا سرکار کی میرے لئے سوغات ہوتی ہے
Mujhe sher o sakhan ka kuch saleeqa to nahi aata
Ata Sarkar ki meray liye sohgath hoti hai
مَیں مدحت کے لئے الفاظ کے موتی پروتی ہوں
لڑی پیاری سی بن جائے تو ان کی نعت ہوتی ہے
Main madhet ke liye alfaaz ke moti peroti hoon
Lari pyaari si ban jaye to un ki naat hoti hai
میں نازاں ہوں مقدر پر کہ مِل جاتا ہے بِن مانگے
مری جھولی میں اُن کے فیض کی خیرات ہوتی ہے
Main nazaan hoon muqaddar par ke mil jata hai bin mangay
Meri jholi mein un ke faiz ki khairat hoti hai
سو لے کر سُوت کی اَٹی یہ ہمت ناز نے کر لی
خریداروں میں مفلس کی بھی کیا اوقات ہوتی ہے
So le kar soot ki atti yeh himmat Naaz ne kar li
Khareedaron mein muflis ki bhi kiya auqat hoti hai
Share This Naat
Share with friends and family
میں لکھ لوں نعت جب تو نُور کی برسات ہوتی ہے
صفیہ ناز