کھویا کھویا ہے دل ، ہونٹ چپ ، آنکھ نم ، ہیں مواجہ پہ ہم
رو برو اُن کے لایا ہے اُن کا کرم ، ہیں مواجہ پہ ہم
khoya khoya hai dil, honth chup, aankh nam, hain muwajah pe hum
ro baro un ke laya hai un ka karam, hain muwajah pe hum
لمحے لمحے پہ آیات کا نور ہے ، نعت کا نور ہے
نور افشاں ، دُرودی فضا د م بہ دم ، ہیں مواجہ پہ ہم
lamhe lamhe pe ayaat ka noor hai, naat ka noor hai
noor afshan, duroodi fiza dam baha dam, hain muwajah pe hum
ایک کونے میں ہیں ، سر جھکائے ہوئے، منھ چھپائے ہوئے
گردنیں ہیں کہ بارِ ندامت سے خم ، ہیں مواجہ پہ ہم
aik konay mein hain, sar jhukaye hue, mounh chupaye hue
gardanain hain ke baar-e-nadamat se kham, hain muwajah pe hum
آنسوؤں کی زباں ، کر رہی ہے بیاں ، اُن سے احوالِ جاں
صرف اپنا نہیں پوری اُمت کا غم ، موجہ پہ ہم
aansoo'on ki zubaan, kar rahi hai bayan, un se ahwal-e-jaan
sirf apna nahi poori ummat ka gham, muwajah pe hum
مسکراتی ہوئی ہر تجلّی ملی ، کیا تسلّی ملی
دُور ہوتے گئے سارے رنج و الم ، ہیں مواجہ پہ ہم
muskurati hui har tajalli mili, kya tasalli mili
door hotay gaye sare ranj o alam, hain muwajah pe hum
سب طلب گار حرفِ شفاعت کے ہیں ، اُن کی رحمت کے ہیں
چہرے چہرے پہ ہے اِک سوالِ کرم ، ہیں مواجہ پہ ہم
sab talabgar harf-e-shafaat ke hain, un ki rehmat ke hain
chehre chehre pe hai ik sawal-e-karam, hain muwajah pe hum
Share This Naat
Share with friends and family
کھو یا کھو یا ہے دل
سید صبیح الدین صبیح رحمانی