میں کچھ نہ سہی میرا مقدر تو بڑا ہے
سنگِ درِ محبوب پہ سر میرا جھکا ہے
Main kuch na sahi mera muqaddar to bara hai
Sang-e-dar e mahboob pe sar mera jhuka hai
کیا خوب صِلہ نعتِ محمؐد کا ملا ہے
میزان ِ محبت پہ ہر اک شعر تُلا ہے
Kya khoob sila naat e Mohammed (SAW) ka mila hai
Meezan e mohabbat pe har ik she'r tula hai
سرکارؐ کے قدموں کے نشان ڈھونڈ رہا ہے
جو اشکِ محبت مری آنکھوں سے گرا ہے
Sarkar (SAW) ke qadamoon ke nishan dhond raha hai
Jo ashk e mohabbat meri ankhon se gira hai
سایہ جسے دامانِ محمدؐ کا ملا ہے
قیدِ غمِ کونین سے آزاد ہُوا ہے
Saaya jise daaman e Muhammad (SAW) ka mila hai
Qaid e gham e kounain se azaad hua hai
یہ ذرہ جسے آج سبھی کہتے ہیں خورشید
خاکِ قدمِ سرورِ عالمؐ سے اُڑا ہے
Yeh zarra jise aaj sabhi kehte hain khursheed
Khaak e qadam e sarwar e alam (SAW) se ura hai
اب ہیچ نظر آتی ہے سب دولتِ کونین
دامانِ طلب یوں تیری رحمت نے بھرا ہے
Ab heech nazar aati hai sab doulat e kounain
Daaman e talab yun teri rehmat ne bhara hai
کیوں مری خطاؤں کی طرف دیکھ رہے ہو
جس کو ہے مری لاج وہ لجپال بڑا ہے
Kyun meri khataon ki taraf dekh rahe ho
Jisko hai meri laaj woh lajpal bara hai
آسودہ نظر آتا ہے ہر ایک کرم سے
جو سرورِ کونینؐ کے کوچے کا گدا ہے
Aasooda nazar aata hai har aik karam se
Jo sarwar e kounain (SAW) ke kooche ka gada hai
جینے کا ملا ہے تری سیرت سے قرینہ
قرآن مجسم تری ہر ایک ادا ہے
Jeene ka mila hai teri seerat se qareena
Quran mujassam teri har aik ada hai
یہ شفقت و رحمت ہے کہ ہر اک دلِ مایوس،
بخشش کا یقیں لے کے ترے در سے اُٹھا ہے
Yeh shafqat o rahmat hai ke har ik dil e mayoos,
Bakhshish ka yaqeen le ke tere dar se utha hai
ہٹتی نہیں سرکارؐ کی سیرت سے نگاہیں
ہر وقت مرے سامنے قرآن کھلا ہے
Hatti nahi sarkar (SAW) ki seerat se nigahen
Har waqat mere samne Quran khula hai
کرتے ہیں نکیرین ادب میرا لحد میں
مٹ کر تری الفت میں یہ اعزاز ملا ہے
Karte hain nakeerein adab mera lahd mein
Mit kar teri ulfat mein yeh aazaz mila hai
دامن میں چھپا لو کہ پیشمان ہے خالدؔ
آخر یہ تمہارا ہے بُرا ہے کہ بھلا ہے
Daaman mein chhupa lo ke paishman hai Khalid
Aakhir yeh tumhara hai bura hai ke bhala hai
Share This Naat
Share with friends and family
میں کچھ نہ سہی میرا مقدر تو بڑا ہے
خالد محمود خالد