مَیں کہاں فن کہاں کمال کہاں
نعت لکھّوں مِری مجال کہاں
m'ai kahaan fan kahaan kamaal kahaan
naat likhhon m'eri maaal kahaan
عِشق اُن کا مسرّتِ ابدی
اَب مَیں آزردۂ ملال کہاں
ishq un ka masarrat-e-abadi
ab m'ai aazurdah-e-malaal kahaan
ہم تو ہیں منزلِ حضُوری میں
سفرِ فرقت و وصال کہاں
ham to hain manzil-e-huzoori mein
safar-e-furqat o visaL kahaan
اُن کا ہر حُکم اِک اٹل قانون
حُکمِ حاکم میں قیل و قال کہاں
un ka har hukm ik atal qanoon
hukm-e-haakim mein qil o qaal kahaan
شہرِ طیبہ میں ارضِ ملتاں میں
کیا خبر ہوگا انتقال کہاں
shehr-e-tayyaba mein arz-e-multaan mein
kya khabar hoga inteqaal kahaan
جب اُسے لوگ دیکھ سکتے تھے
لے اُڑا طائرِ خیال کہاں
jab usay log dekh saktay thay
lay ura tair-e-khyaal kahaan
مِری آنکھیں تو ہیں مِری آنکھیں
تیرا نظّارۂ جمال کہاں
m'eri aankhein to hain m'eri aankhein
t'era nazzaarah-e-jamaal kahaan
جھولیاں بھر رہی ہیں آپ ہی آپ
یعنی گنجائشِ سوال کہاں
jhooliyan bhar rahi hain aap hi aap
yani gunjaish-e-sawaal kahaan
ہم تو جنّت میں جائیں گے عاصؔی
نارِ دوزخ کا احتمال کہاں
hum to jannat mein jaayenge 'asi
naar-e-dozakh ka ehtimaal kahaan
Share This Naat
Share with friends and family
مَیں کہاں فن کہاں کمال کہاں
عاصی کرنالی