انوار سے مہکتی زمیں جنت البقیع
جس کی کوئی نظیر نہیں جنت البقیع
Anwar se mehakti zameen jannat ul baqi
Jis ki koi nazeer nahi jannat ul baqi
آسودہ اس میں ان گنت اصحابِ باصفا
عثماں ہیں جس کے صدر نشیں جنت البقیع
Aasooda is mein an-ginat ashaab-e-baa safa
Usmaan hain jis ke sadr nasheen jannat ul baqi
ابنِ نبیؐ ، بناتِ نبیؐ اور حسن کے ساتھ
نو امّہات کی ہے امیں جنت البقیع
Ibn-e-Nabiؐ, banat-e-Nabiؐ aur Hasan ke sath
No ummahat ki hai ameen jannat ul baqi
عباس اہلِ بیتِ پیمبرؐ کے ساتھ ہیں
ہے جن سے رشکِ ماہِ مبیں جنت البقیع
Abbas ahl-e-bait-e-paighambarؐ ke sath hain
Hai jin se rashk-e-maah-e-mubeen jannat ul baqi
دامن میں سمیٹے جو امِ علی کے ساتھ
عماتِ مصطفیٰؐ کے نگیں جنت البقیع
Daaman mein sametay jo umm-e-Ali ke sath
Amaat-e-Mustafaؐ ke nageen jannat ul baqi
اب سب نفوسِ پاک کو تائب کا ہو سلام
جن کی ضیا سے چرخِ بریں جنت البقیع
Ab sab nafoos-e-pak ko taib ka ho salaam
Jin ki zia se charkh-e-bareen jannat ul baqi
Share This Naat
Share with friends and family
انوار سے مہکتی زمیں جنت البقیع
حفیظ تائب