مَیں جِس نِگاہ پہ دونوں جہان وار آیا
اسے نہ میری محبت پہ اعتبار آیا
Main jis nigah pe dono jahan waar aaya
Usay na meri muhabbat pe aitbaar aaya
تِرے بغیر مُجھے ایک پل قرار نہیں
مِرے بغیر تُجھے کِس طرح قرار آیا
Tere baghair mujhe aik pal qaraar nahi
Mere baghair tujhe kis tarah qaraar aaya
کِسی کو آنکھ ملانے کا حوصَلہ نہ ہُوا
تمہاری بزم سے جو آیا شرمسار آیا
Kisi ko aankh milane ka hausla na hua
Tumhari bazm se jo aaya sharmsaar aaya
خُدا گواہ جہاں کوئی خوب رُو دیکھا
مِری زباں پہ تِرا نام بار بار آیا
Khuda gawah jahan koi khoob roo dekha
Meri zabaan pe tera naam baar baar aaya
تمہارا قرب مِرے درد کا علاج نہ تھا
تمہارے پاس بھی رہ کر کہاں قرار آیا
Tumhara qurb mere dard ka ilaaj na tha
Tumhare paas bhi reh kar kahan qaraar aaya
کہیں مِلی نہ مُجھے میری بے خودی اعظؔم
مَیں اس کو حدِّ خرابات تک پکار آیا
Kahin milli na mujhe meri be khudi Azm
Main us ko hadd-e-kharabat tak pukaar aaya
Share This Naat
Share with friends and family
مَیں جِس نِگاہ پہ دونوں جہان وار آیا
محمد اعظم چشتی