ہر تڑپ دل کی وجہِ سکوں ہے ہر خلش زندگی کا سہارا
تم نے دیکھی نہیں ہے تو دیکھو آنسووں سے خوشی آشکارا
har tarap dil ki wajah-e-sukoon hai har khalish zindagi ka sahara
tum ne dekhi nahi hai to dekho aansuon se khushi aashkara
کس قرینے سے دیوار و در کو جلوہِ مصطفؐےٰ نے سنوارا
قرئیہِ جان و دل بھی نہیں ہے واقعی اب مدینے سے پیا را
kis qareene se deewar o dar ko jalwa-e-Mustafaؐ ne sanwara
qaryah-e-jaan o dil bhi nahi hai waqai ab madine se piyara
جو کرم بھی کرے اَور دعا دے بھیک دے اَور طلب سے سِوادے
جز محمدؐ کوئی بھی نہیں ہے بے سہاروں کا ایسا سہارا
jo karam bhi kare aur dua de bheek de aur talab se siwa de
juz Muhammadؐ koi bhi nahi hai be-saharon ka aisa sahara
فخِر ہستی انہیں کا گدا ہے ان کے قربان اتنا دیا ہے ،
کر دیا بے نیازِ دو عالم جس کا بھکاری نے دامن پسارا
fakhr e hasti unhi ka gada hai un ke qurban itna diya hai,
kar diya be-niyaaz-e-do alam jis ka bhikari ne daman pasara
آپ ہی میری جھولی بھریں گے آپ ہی دستگیری کریں گے
آپ کے در سے منسوب ہو کر کیسے پھرتا رہوں مارا مارا
aap hi meri jholi bharenge aap hi dastgeeri karenge
aap ke dar se mansoob ho kar kaise phirta rahun maara maara
کون سی شَے نہیں اب میسر تیری رحمت سے ساقیِ کوثر ؐ
آج ہو جائے اتمامِ رحمت حاضری کا اگر ہو اشارا
kaun si shay nahi ab mayassar teri rehmat se saqi-e-Kausarؐ
aaj ho jaye itmam-e-rehmat hazri ka agar ho ishara
مجھ کو خالدؔ اماں مل گئی ہے سایہ ِ دامن ِ مصطفؐےٰ میں
موج خود بن گئی ہے سفینہ دور مجھ سے نہیں اب کنارا
mujh ko Khalidؔ amaan mil gayi hai saya-e-daman-e-Mustafaؐ mein
mauj khud ban gayi hai safeena door mujh se nahi ab kanara
Share This Naat
Share with friends and family
ہر تڑپ دل کی وجہِ سکوں ہے
خالد محمود خالد