مری حیات محمدؐ کے نام لکھ دینا
مر ے کفن پہ درود و سلام لکھ دینا
Meri hayat Muhammad (SAW) ke naam likh dena
Mere kafan pe darood o salam likh dena
کیا تو عشق، فرائض مگر ادا نہ کئے
تمام شد کی جگہ ناتمام لکھ دینا
Kiya to ishq, faraiz magar ada na kiye
Tamam shud ki jagah na tamaam likh dena
خدا کے سارے گھروں کا کرو شمار اگر
تو میری روح کو بیت الحرام لکھ دینا
Khuda ke saare gharon ka karo shumaar agar
To meri roh ko Bait-ul-Haram likh dena
ہواؤ شہر نبیؐ سے ہو جتنی بارگزر
ہر ایک ذرّے پہ میرا سلام لکھ دینا
Hawaon shehar-e-Nabi (SAW) se ho jitni baar guzar
Har aik zarr-e pe mera salam likh dena
نہ کرنا فرد عمل پر بھی میرا نام رقم
فرشتو صرف نبیؐ کا غلام لکھ دینا
Na karna fard amal par bhi mera naam raqam
Farishto sirf Nabi (SAW) ka ghulam likh dena
جب آخرت میں ہو فہرستِ عاشقاں تیار
مجھے بھی بندہِ خیر الانام لکھ دینا
Jab aakhirat me ho fehrist-e-aashiqan tayyar
Mujhe bhi banda-e khair-ul-anam likh dena
جوارِ چشمہ کوثر پہ جس کی آنکھ کُھلے
مرے نصیب میں ایسی بھی شام لکھ دینا
Jawar-e chashma-e-kausar pe jis ki ankh khule
Mere naseeb me aisi bhi shaam likh dena
مظفر اب نہیں آئے گا اور کوئی نبیؐ
اُنھیں ہر ایک صدی کا امام لکھ دینا
Muzaffar ab nahi aaye ga aur koi Nabi (SAW)
Unhein har aik sadi ka Imam likh dena
Share This Naat
Share with friends and family
مری حیات محمدؐ کے نام لکھ دینا
مظفر وارثی