اے چارہ گرِ شوق کوئی ایسی دوا دے
جو دل سے ہر اِک غیر کی چاہت کو بھلا دے
Ae charah gar-e-shauq koi aisi dawa de
Jo dil se har ik gher ki chahat ko bhula de
بس دیکھ لیا دنیا کے رشتوں کا تماشہ
مخلوق سے امید کے سب دیپ بجھا دے
Bas dekh liya duniya ke rishton ka tamasha
Makhlooq se umeed ke sab deep bujha de
پاکیزہ تمنائیں بھی لاتی ہیں اُداسی
ہر ذوق ِطلب شوقِ تمنا ہی مٹا دے
Pakiza tamnaein bhi lati hain udasi
Har zouq-e-talab shauq-e-tamna hi mita de
کیوں نیک گمانوں کے سہارے پہ جئیں ہیں
ان سارے فریبوں کو سُراغوں کو ہٹادے
Kyun naek gumannon ke sahare pe jien hain
In saare farebon ko suraghon ko hata de
دیکھے یا نہ دیکھے یہ تو محبوب کا حق ہے
نہ تو آہ و فغاں کر نہ ہی غیروں کو گِلا دے
Dekhe ya na dekhe yeh to mehboob ka haq hai
Na tu aah o fughan kar na hi gheron ko gila de
دے لذتِ دیدار کی بیہوشی میں وہ ہوش
جو ہستی کی تعریف و تعین کو گنوا دے
De lazzat-e-deedar ki behoshi mein woh hosh
Jo hasti ki tareef o tayyun ko gunwa de
اِک میں ہوں فقط تو ہو اور عالم ہو ہو
اے حُسنِ ازل سارے حجابات اُٹھا دے
Ik main hoon faqat tu ho aur aalam ho ho
Ae husn-e-azal saare hijabat utha de
ناسوت و ملاکوت و جبرُوت کے احوال
لاھوتی و حاہوتی دوائل میں ملا دے
Nasoot o malakoot o jabroot ke ahwal
Lahooti o haahooti duael mein mila de
میں خود بھی خود اپنے سے پھر ڈھونڈ نہ پاؤں
یوں آتشِ سوزاں سے میری راکھ جلا دے
Main khud bhi khud apne se phir dhoondh na paon
Yun aatish-e-sozan se meri raakh jala de
ہوں تیرے حجابات کی دہلیز پہ کب سے
اِک بار ذرا دیکھ لے اِک پردہ ہٹادے
Hoon tere hijabat ki dehleez pe kab se
Ik baar zara dekh le ik parda hata de
ہے روح کو ہر لمحہ تیرے وصل کی اُمید
آ زیست کی شب کو تو کبھی صبح بنا دے
Hai rooh ko har lamha tere wasl ki umeed
Aa zeest ki shab ko tu kabhi subah bana de
سو بار بلایا تجھے سو بار ستایا
تو بھی تو کبھی رات کو مل چھپ کے ندا دے
So baar bulaya tujhe so baar sataya
Tu bhi to kabhi raat ko mil chhup ke nida de
خود دیکھ لے تو سویا ہے میں جاگ رہا ہوں
تو بھی تو کبھی میری وفاؤں کا صلہ دے
Khud dekh le tu soya hai main jaag raha hoon
Tu bhi to kabhi meri wafaon ka sila de
بس ایک ہی صورت ہے ادھر اُن کی نظر کی
جز اُن کے ہر اک یاد ہر اک بات بھلا دے
Bas ek hi soorat hai idhar un ki nazar ki
Juz un ke har ek yaad har ek baat bhula de
کیوں بھوک سی اٹھتی ہے دلِ زار سے طاہر
اس بستی ِ ویراں کے خس و خاشاک جلادے
Kyun bhook si uthti hai dil-e-zar se Tahir
Is basti-e-weeran ke khas o khashaak jala de
Share This Naat
Share with friends and family
اے چارہ گرِ شوق کوئی ایسی دوا دے
طاہر القادری