محبوبِ کبریا کی ہے رحمت حروف نور
فضل خدا ہے رب کی عنایت حروفِ نور
Mahboob-e-Kibriya ki hai rehmat huroof-e-noor
Fazal Khuda hai Rab ki inayat huroof-e-noor
حمدِ خدا ہے اس میں محمد کی نعت ہے
کرتی ہے صالحین کی مدحت حروفِ نور
Hamd-e-Khuda hai is mein Muhammad ki naat hai
Karti hai Saleheen ki mad'hat huroof-e-noor
خوش ہونگے دیکھ کر اِسے عُشاقِ مصطفیٰ
اُن کے دِلوں کو دے گی طراوت حروفِ نور
Khush honge daikh kar isay ushaq-e-Mustafa
Un ke dilo ko de gi tarawat huroof-e-noor
نعتوں کی محفلوں میں پڑھا جائے گا اسے
اِس کا ہر اِک کلامِ محبت حروفِ نور
Naato ki mahfilon mein padha jaaye ga isay
Iska har ek kalaam-e-mohabbat huroof-e-noor
یہ اِقتِدائے حضرتِ حسّان پیش ہے
کیجے قبول ماہِ رسالت حروفِ نور
Yeh Iqtida-e-Hazrat-e-Hassan pesh hai
Kijiye qubool Maah-e-Risalat huroof-e-noor
ہو جائے اس کو جو بھی پڑھے نعت آشنا
توصیفِ مصطفیٰ سے دے رغبت حروفِ نور
Ho jaye is ko jo bhi padhe naat aashna
Tauseef-e-Mustafa se de raghabat huroof-e-noor
ان کی رضا کا پاؤں میں اے کاش عِندیہ
مجھ کو دلائے اُن کی شفاعت حروفِ نور
Un ki raza ka paon mein aye kaash indiyeh
Mujh ko dilaye un ki shafaat huroof-e-noor
چلتا رہے ثنائے نبی میں مرا قلم
مِلتے رہیں یُوں بہرِ عقیدت حروفِ نور
Chalta rahe sana-e-Nabi mein mera qalam
Milte rahein yun behr-e-aqeedat huroof-e-noor
مصرع اگر انہیں کوئی مرزا کا بھا گیا
دارین میں دلائے گی عزت حروفِ نور
Misra agar inhe koi Mirza ka bha gaya
Dareen mein dilaye gi izzat huroof-e-noor
Share This Naat
Share with friends and family
محبوبِ کبریا کی ہے رحمت حروف نور
مرزا جاوید بیگ عطاری