زباں پہ جب بھی مدینے کی گفتگو آئی
نگاہ گنبدِ خضرا کو جا کے چھُو آئی
Zuban pe jab bhi Madeene ki guftugu aayi
Nigah Gunbad-e-Khazra ko ja ke chu aayi
کبھی ہُوا مری آنکھوں کی تشنگی کا علاج
کبھی کبھی مرے کانوں میں گفتگو آئی
Kabhi hua meri ankhon ki tishnagi ka ilaaj
Kabhi kabhi mere kaanon mei guftugu aayi
کسی نے جب بھی کیا تذکرہ شمائل کا
تو میری آنکھوں میں وہ شکل ہُو بہُو آئی
Kisi ne jab bhi kiya tazkira shama'il ka
To meri ankhon mein wo shakl hu bahu aayi
کیا ہے دِل نے بہرحال اُنؐ کا ذکرِ جمیل
جو سانس آئی لبوں تک وہ با وضُو آئی
Kiya hai dil ne beharhal un (SAW) ka zikr-e-jameel
Jo saans aayi labon tak wo ba wuzu aayi
نفس نفس میں در آیا ہے آگہی کا شعُور
ہوائے کوئے مدینہ جو کُو بہ کُو آئی
Nafas nafas mein dar aaya hai aagahi ka shaoor
Hawa-e-koocha-e-Madina jo koo ba koo aayi
وہ روشنی جو فضائے حرم میں دیکھی تھی
کبھی نظر کے کبھی دِل کے رُوبرو آئی
Wo roshni jo faza-e-haram mein dekhi thi
Kabhi nazar ke kabhi dil ke roobaru aayi
حنیفؔ خاکِ مدینہ ملی جو چہرے پر
تو اپنے جسم سے اُس پیرہن کی بُو آئی
Hanif khaak-e-Madina mili jo chehre par
To apne jism se us peerahan ki boo aayi
Share This Naat
Share with friends and family
زباں پہ جب بھی مدینے کی گفتگو آئی
حنیف اسعدی