بگڑی ہوئی بنتی ہے ہربات مدینے میں
غمخوار محمد کی ہے ذات مدینے میں
Bigri hui banti hai har baat madine me
Ghamkhar Muhammad ki hai zaat madine me
آؤ بھی گنہگارو! پہنچو بھی مدینے میں
بٹتی ہے شفاعت کی خیرات مدینے میں
Aao bhi gunahgaro! Pahucho bhi madine me
Batti hai shafaat ki khairat madine me
جس کی نہ سحر ہووے اللہ قیامت تک
ایسی بھی تو آ جائے اک رات مدینے میں
Jis ki na sehar hovay Allah qayamat tak
Aisi bhi to aa jaye ek raat madine me
رحمت کی گھٹائیں ہوں روضے پہ نگاہیں ہوں
اے کاش وہ آ جائیں لمحات مدینے میں
Rehmat ki ghataayen hon roze pe nigahen hon
Ae kaash vo aa jayein lamhaat madine me
کچھ اشک ندامت کے کچھ ہار درودوں کے
یہ لے کے چلیں گے ہم سوغات مدینے میں
Kuch ashk nadamat ke kuch haar daroodon ke
Yeh le ke chalein ge hum saugaat madine me
اے میرے خدا آئے قسمت میں وہ دن ایسا
مکے میں جو دن گزرے ہو رات مدینے میں
Ae mere Khuda aaye qismat me woh din aisa
Makay me jo din guzray ho raat madine me
عصیاں کی سیاہی کو دھو ڈالے جو دم بھر میں
ہوتی ہے وہ رحمت کی برسات مدینے میں
Isyan ki siyahi ko dho daalay jo dam bhar me
Hoti hai woh rehmat ki barsaat madine me
مت روک مجھے زاہد بے تاب ہوں سجدے کو
قابو میں نہیں رہتے جذبات مدینے میں
Mat rok mujhe zahid be-taab hoon sajday ko
Qabu me nahi rehtay jazbat madine me
یہ آس نیازی ہے دُولھا کی زیارت کو
جائے گی غلاموں کی بارات مدینے میں
Yeh aas Niazi hai dulha ki ziarat ko
Jaye gi ghulamon ki barat madine me
Share This Naat
Share with friends and family
بگڑی ہوئی بنتی ہے ہربات مدینے میں
عبدالستار نیازی