مدینہ مل گیا ورنہ سہارے ڈھونڈتا رہتا
بھنور میں ڈوبتا پھرتا کنارے ڈھونڈتا رہتا
Madina mil gaya warna saharay dhoondta rehta
Bhanwar mein doobta phirta kinare dhoondta rehta
کسی گمنام جنگل میں ، کئی بے نام ہاتھوں کے
پریشانی کے عالم میں اشارے ڈھونڈتا رہتا
Kisi gumnaam jungle mein, kai bay naam hathon ke
Preshani ke aalam mein isharay dhoondta rehta
نکل پاتا نہ گمراہی کی مَیں بے سمت موجوں سے
مَیں بے آواز دریاؤں کے دھارے ڈھونڈتا رہتا
Nikal pata na gumrahi ki main bay simat moujon se
Main bay aawaz daryaon ke dharay dhoondta rehta
ہر اِک منظر کے پس منظر میں رہ جاتا میں گُم ہو کر
ہر اِک جھُوٹی سحر کے استعارے ڈھونڈتا رہتا
Har ik manzar ke pas manzar mein reh jata main gum ho kar
Har ik jhooti sehar ke istiaray dhoondta rehta
بتوں کے سامنے جھکتا کبھی اُونچے پہاڑوں کے
فضا کی وسعتوں میں ابر پارے ڈھونڈتا رہتا
Buton ke samne jhukta kabhi oonchay paharon ke
Faza ki wusaton mein abr paray dhoondta rehta
کبھی ہوتا نہ لذت آشنا توحید سے انجؔم
پرستش کے لیے سورج ستارے ڈھونڈتا رہتا
Kabhi hota na lazzat aashna tauheed se Anjam
Parastish ke liye sooraj sitaray dhoondta rehta
Share This Naat
Share with friends and family
مدینہ مل گیا ورنہ سہارے ڈھونڈتا رہتا
انجم نیازی