کیوں مجھ پہ نہ رحمت کی ہو برسات مسلسل
پڑھتاہوں درود اُن پہ میں دن رات مسلسل
Kyun mujh pe na rehmat ki ho barsat musalsal
Parhtahon darood un pe mein din raat musalsal
اک بار پکارا تھا محبت سے محمدا
اُس وقت سے ہیں مجھ پہ عنایات مسلسل
Ek baar pukara tha mohabbat se Mohammad
Us waqt se hain mujh pe inaayat musalsal
جب ذکرِ شہِ والا سے لَو میں نے لگائی
ہوتے گئے بہتر مرے حالات مسلسل
Jab zikr-e-sheh-e-waala se lav mein ne lagayi
Hote gaye behtar mere haalaat musalsal
طوفان کی موجیں ہوں کہ آندھی ہو بَلا کی
تھامے ہوئے مجھ کو ہے وہ اِک ذات مسلسل
Toofan ki mojen hon ke aandhi ho bala ki
Thaame huye mujh ko hai woh ik zaat musalsal
مل جائے اگر مجھ کو حضوری کی سعادت
میری بھی رہے ان سے ملاقات مسلسل
Mil jaye agar mujh ko huzuri ki saadat
Meri bhi rahe un se mulaqat musalsal
سرکار کا یہ مجھ پہ کرم کتنا ہے آصف
ہے ساتھ مرے نعت کی سوغات مسلسل
Sarkar ka ye mujh pe karam kitna hai Asif
Hai saath mere naat ki soghat musalsal
Share This Naat
Share with friends and family
کیوں مجھ پہ نہ رحمت کی ہو برسات مسلسل
محمد آصف قادری