خوش نصیب مدینے بلائے جاتے ہیں
جو نجات کے انہیں مژدے سنائے جاتے ہیں
Khush naseeb Madine bulaye jate hain
Jo najat ke unhen mujhdhe sunaye jate hain
میں ایسے در کا گدا ہوں مجھے کمی کیا ہے
جہاں فقیر بھی سُلطاں بنائے جاتے ہیں
Main aise dar ka gada hoon mujhe kami kya hai
Jahan faqeer bhi sultaan banaye jate hain
نبی کے نور کا صدقہ ہے جاری و ساری
کہ اَب بھی دونوں جہاں جگمگائے جاتے ہیں
Nabi ke noor ka sadqa hai jari o saari
Ke ab bhi dono jahan jagmagaye jate hain
کسی کی یاد کا ایسا صَلہ نہیں مِلتا
وہ میرے دِل کو مدینہ بنائے جاتے ہیں
Kisi ki yaad ka aisa sila nahin milta
Wo mere dil ko Madina banaye jate hain
دیا ہے یہ بھی قرینہ تری محبت نے
ہر ایک غم کو ترا غم بنائے جاتے ہیں
Diya hai ye bhi qareena teri mohabbat ne
Har ek gham ko tera gham banaye jate hain
عجیب ڈھنگ ہے مَحشر میں پردہ پوشی کا
کہ بے حِسَاب ہمیں بخشوائے جاتے ہیں
Ajeeb dhang hai Mahshar mein parda poshi ka
Ke be hisaab humein bakshwaye jate hain
وہ سُن رہے ہیں یقیناً اسی تو قع پَر !
فسانہ غمِ ہستی سُنائے جاتے ہیں
Wo sun rahe hain yaqeenan usi tawaqqa par!
Fasana gham-e-hasti sunaye jate hain
نہیں ہے اَور کوئی چیز بھی کہ نذر کریں
ہمارے پاس ہیں آنسو بہائے جاتے ہیں
Nahin hai aur koi cheez bhi ke nazar karein
Hamare paas hain aansu bahaaye jate hain
ضرور پہنچیں گے خالِدؔ ہم اپنی منزل تک
سر ان کے نقشِ قدم پر جھکائے جاتے ہیں
Zaroor pahunchenge Khalid hum apni manzil tak
Sar unke naqsh-e-qadam par jhukaaye jate hain
Share This Naat
Share with friends and family
خوش نصیب مدینے بلائے جاتے ہیں
خالد محمود خالد