چل پڑا ہے قافلہ پھر سے مدینے کی طرف
دل کا قبلہ کر لیا ہے ان کے روضے کی طرف
Chal pada hai qafla phir se madine ki taraf
Dil ka qibla kar liya hai un ke roze ki taraf
حشر میں اذنِ شفاعت مصطفیٰ کو ہے ملا
تک رہی ہیں اُمتیں آقا کے چہرے کی طرف
Hashr mein izin-e-shafaat Mustafa ko hai mila
Tak rahi hain ummatain aqa ke chehre ki taraf
ناز برداری خدا کرتا ہے یوں محبوب کی
سمتِ قبلہ پھیر دی اقصیٰ سے کعبے کی طرف
Naaz bardari Khuda karta hai yun mahboob ki
Simt-e-qibla pher di aqsa se Ka'be ki taraf
ہم کو کافی ہے سہارا احمدِ مختار کا
ہات پھیلائیں بھلا کیوں ایسے ویسے کی طرف
Hum ko kafi hai sahara Ahmad-e-mukhtar ka
Hath phelain bhala kyun aise waise ki taraf
کب سے نظمی آپ کے در پڑا ہے اے حضور
اک نظر رحمت کی ہو اس اندھے شیشے کی طرف
Kab se Nazmi aap ke dar pada hai ai huzoor
Ek nazar rahmat ki ho is andhe shishe ki taraf
Share This Naat
Share with friends and family
چل پڑا ہے قافلہ پھر سے مدینے کی طرف
سید آل رسول حسنین میاں برکاتی نظمی