مدینے کا سفر ہے اور میں نم دیدہ نم دیدہ
جبیں افسردہ افسردہ قدم لغزیدہ لغزیدہ
Madine ka safar hai aur main nam dida nam dida
Jabeen afsurda afsurda qadam lagzeeda lagzeeda
چلا ہوں ایک مجرم کی طرح میں جانبِ طیبہ
نظر شرمندہ شرمندہ، بدن لرزیدہ لرزیدہ
Chala hoon aik mujrim ki tarah main janib-e-taiba
Nazar sharminda sharminda, badan larzeeda larzeeda
کسی کے ہاتھ نے مجھ کو سہارا دے دیا ورنہ
کہاں میں اور کہاں یہ راستے پیچیدہ پیچیدہ
Kisi ke hath ne mujh ko sahara de diya warna
Kahan main aur kahan ye raste pecheeda pecheeda
غلامانِ محمدﷺ دور سے پہچانے جاتے ہیں
دل گرویدہ گرویدہ ، سر شوریدہ شوریدہ
Ghulaman-e-Muhammad ﷺ door se pehchane jate hain
Dil garweeda garweeda, sar shoreeda shoreeda
کہاں میں اور کہاں اس روضہ اقدس کا نظّارہ
نظر اُس سمت اٹھتی ہے مگر دزدیدہ دزدیدہ
Kahan main aur kahan is roza e aqdas ka nazara
Nazar us simt uthti hai magar dazdida dazdida
مدینے جا کے ہم سمجھے تقدس کس کو کہتے ہیں
ہَوا پاکیزہ پاکیزہ ، فضا سنجیدہ سنجیدہ
Madine ja ke hum samjhe taqaddus kis ko kehte hain
Hawa pakeeza pakeeza, fiza sanjeeda sanjeeda
بصارت کھو گئی لیکن بصیرت تو سلامت ہے
مدینہ ہم نے دیکھا ہے مگر نادیدہ نادیدہ
Basarat kho gayi lekin baseerat to salamat hai
Madina hum ne dekha hai magar nadida nadida
وہی اقبؔال جس کو ناز تھا کل خوش مزاجی پر
فراقِ طیبہ میں رہتا ہے اب رنجیدہ رنجیدہ
Wohi Iqbal jis ko naz tha kal khush mizaji par
Firaq-e-taiba mein rehta hai ab ranjeeda ranjeeda
Share This Naat
Share with friends and family
مدینے کا سفر ہے اور میں نم دیدہ نم دیدہ
پروفیسراقبال عظیم