مجھے بھی سرخابِ حرف کا پر ملا ہوا ہے
مجھے بھی اعزازِ مدحِ سرور ملا ہوا ہے
Mujhe bhi surkhab-e-harf ka par mila hua hai
Mujhe bhi aizzaz-e-madh-e-Sarwar mila hua hai
وہ خوش مقدر شہانِ دنیا سے معتبر ہے
جسے مدینے کے شاہ کا در ملا ہوا ہے
Woh khush muqaddar shahan-e-dunya se mo'tabar hai
Jise Madine ke Shah ka dar mila hua hai
ہمیں ہو تشنہ لبی کا ڈر کیوں بروزِ محشر
ہمارے آقا کو آبِ کوثر ملا ہوا ہے
Humein ho tishna labi ka darr kyun baroz-e-mahshar
Humare Aaqa ko aab-e-Kausar mila hua hai
نگاہ جنت کی دل کشی میں نہیں الجھتی
کہ اس کو سنگِ درِ منور ملا ہوا ہے
Nigaah jannat ki dil kashi mein nahi ulajhti
Ke is ko sang-e-dar-e-munawar mila hua hai
ہوائے بطحا سے ایسا محسوس ہو رہا ہے
کہ جیسے مشکِ ختن میں عنبر ملا ہوا ہے
Hawa-e-Bat'ha se aisa mehsoos ho raha hai
Ke jaise mushk-e-khitan mein anbar mila hua hai
تمام سوچیں سنہری جالی پہ مرتکز ہیں
مرے خیالوں کو ایک محور ملا ہوا ہے
Tamam sochein sunehri jali pe murtakiz hain
Mere khayalon ko aik markaz mila hua hai
قدم قدم اسمِ مصطفیٰ رہنما ہے میرا
ہزارہا شکر ایسا رہبر ملا ہوا ہے
Qadam qadam ism-e-Mustafa rahnuma hai mera
Hazaarha shukar aisa rehbar mila hua hai
میں یادِ طیبہ میں قطرہ قطرہ بہا رہا ہوں
مجھے پسِ آنکھ اک سمندر ملا ہوا ہے
Main yaad-e-Taiba mein qatra qatra baha raha hoon
Mujhe pas-e-aankh aik samundar mila hua hai
تمنا کرتے رہے ہیں جس کی نبی و مرسل
ترے غلاموں کو وہ مقدر ملا ہوا ہے
Tamanna karte rahe hain jis ki Nabi o Mursal
Tere ghulamon ko woh muqaddar mila hua hai
Share This Naat
Share with friends and family
مجھے بھی سرخابِ حرف کا پر ملا ہوا ہے
اشفاق احمد غوری