Manqabat
کھلا میرے دِل کی کلی غوثِ اعظم
کھلا میرے دِل کی کلی غوثِ اعظم
مٹا قلب کی بے کلی غوثِ اعظم
Khula mere dil ki kali Ghaus-e-Azam
Mita qalb ki be-kali Ghaus-e-Azam
مرے چاند میں صدقے آجا اِدھر بھی
چمک اُٹھے دِل کی گلی غوثِ اعظم
Mere chand me sadqe aja idhar bhi
Chamak uthhe dil ki gali Ghaus-e-Azam
ترے رب نے مالک کیا تیرے جد کو
ترے گھر سے دنیا پلی غوثِ اعظم
Tere Rab ne malik kiya tere jad ko
Tere ghar se duniya pali Ghaus-e-Azam
وہ ہے کون ایسا نہیں جس نے پایا
ترے دَر پہ دنیا ڈَھلی غوثِ اعظم
Woh hai kaun aisa nahi jis ne paya
Tere dar pe duniya dhali Ghaus-e-Azam
کہا جس نے یَا غَوْث اَغِثْنِیْتو دَم میں
ہر آئی مصیبت ٹلی غوثِ اعظم
Kaha jis ne ya Ghauth aghisini to dam me
Har aayi museebat tali Ghaus-e-Azam
نہیں کوئی بھی ایسا فریادی آقا
خبر جس کی تم نے نہ لی غوثِ اعظم
Nahi koi bhi aisa faryadi Aqa
Khabar jis ki tum ne na li Ghaus-e-Azam
مری روزی مجھ کو عطا کردے آقا
ترے دَر سے دنیا نے لی غوثِ اعظم
Meri rozi mujh ko ata karde Aqa
Tere dar se duniya ne li Ghaus-e-Azam
نہ مانگوں میں تم سے تو پھر کس سے مانگوں
کہیں اَور بھی ہے چلی غوثِ اعظم
Na maangoon mai tum se to phir kis se maangoon
Kahin aur bhi hai chali Ghaus-e-Azam
صدا گر یہاں میں نہ دُوں تو کہاں دُوں
کوئی اور بھی ہے گلی غوثِ اعظم
Sada gar yahan mai na doon to kahan doon
Koi aur bhi hai gali Ghaus-e-Azam
جو قسمت ہو میری بری اچھی کردے
جو عادت ہو بد کر بھلی غوثِ اعظم
Jo qismat ho meri bri achi karde
Jo aadat ho bad kar bhali Ghaus-e-Azam
ترا مرتبہ اعلیٰ کیوں ہو نہ مولیٰ
تو ہے ابن مولیٰ علی غوثِ اعظم
Tera martaba aalaa kyon ho na Moula
To hai ibn-e-Moula Ali Ghaus-e-Azam
قدم گردنِ اولیا پر ہے تیرا
ہے تو رب کا اَیسا وَلی غوثِ اعظم
Qadam gardan-e-auliya par hai tera
Hai tu Rab ka aisa wali Ghaus-e-Azam
جو ڈوبی تھی کشتی وہ دَم میں نکالی
تجھے ایسی قدرت ملی غوثِ اعظم
Jo doobi thi kashti woh dam me nikaali
Tujhe aisi qudrat mili Ghaus-e-Azam
ہمارا بھی بیڑا لگا دو کنارے
تمہیں ناخدائی ملی غوثِ اعظم
Hamaira bhi bera laga do kinare
Tumhe nakhudaai mili Ghaus-e-Azam
تباہی سے ناؤ ہماری بچادو
ہوائے مخالف چلی غوثِ اعظم
Tabahi se nao hamari bacha do
Hawa-e-mukhalif chali Ghaus-e-Azam
تجھے تیرے جد سے انہیں تیرے رب سے
ہے علمِ خفی و جلی غوثِ اعظم
Tujhe tere jad se inhein tere Rab se
Hai ilm-e-khafi o jali Ghaus-e-Azam
مرا حال تجھ پر ہے ظاہر کہ پتلی
تری لوح سے جا ملی غوثِ اعظم
Mera hal tujh par hai zahir ke patli
Teri loh se ja mili Ghaus-e-Azam
خدا ہی کے جلوے نظر آئے جب بھی
تری چشم حق بیں کھلی غوثِ اعظم
Khuda hi ke jalwe nazar aaye jab bhi
Teri chashm haq been khuli Ghaus-e-Azam
فدا تم پہ ہو جائے نوریؔٔ مضطر
یہ ہے اس کی خواہش دِلی غوثِ اعظم
Fida tum pe ho jaye Noori mudtar
Yeh hai is ki khwahish dili Ghaus-e-Azam
Share This Naat
Share with friends and family
کھلا میرے دِل کی کلی غوثِ اعظم
مفتی مصطفٰی رضا خان