Manqabat
سنوارا عدل و احساں کا چمن فاروقِ اعظم نے
سنوارا عدل و احساں کا چمن فاروقِ اعظم نے
نکھارا زندگی کا بانکپن فاروقِ اعظم نے
Sanwara adl o ehsaan ka chaman Farooq-e-Azam ne
Nikhara zindagi ka bankpan Farooq-e-Azam ne
ممالک ہی نہیں قوموں کے دل تسخیر فرمائے
دکھا کر شوکتِ دینِ حسن فاروقِ اعظم نے
Mamalik hi nahi qaumon ke dil taskheer farmae
Dikha kar shaukat-e-deen-e-husan Farooq-e-Azam ne
معیشت کی اعانت سے تمدّن کی حفاظت سے
بنایا ان زمینں کو گگن فاروقِ اعظم نے
Mu'ashiyat ki a'anat se tamaddun ki hifazat se
Banaya in zameenan ko gagan Farooq-e-Azam ne
تدبّر اور تحمل کا سبق دے کر مسلماں کو
سکھایا زندہ رہنے کا چلن فاروقِ اعظم نے
Tadabbur aur tahammul ka sabaq de kar musalman ko
Sikhaya zinda rehne ka chalan Farooq-e-Azam ne
مساوات و اخوّت عام فرما کر زمانے میں
فزوں کردی خلافت کی پھبن فاروقِ اعظم نے
Masawat o akhuwwat aam farma kar zamane mein
Fazoon kardi khilafat ki phaban Farooq-e-Azam ne
جلائی شمع ایثار و مروّت بزمِ عالم میں
سجائی عافیت کی انجمن فاروقِ اعظم نے
Jalai shama eesar o marawat bazm-e-alam mein
Sajai aafiyat ki anjuman Farooq-e-Azam ne
جگائی قسمتِ اسلامیاں فہم و فراست سے
لگائی آدمیّت کی لگن فاروقِ اعظم نے
Jagai qismat-e-Islamiyan faham o farasat se
Lagai aadmiyat ki lagan Farooq-e-Azam ne
کیا سیراب کشتِ زیست کو افکارِ زرّیں سے
بکھیرے نطق سے لعلِ یمن فاروق اعظم نے
Kiya sairab kasht-e-zeest ko afkar-e-zareen se
Bikhere nutq se laal-e-Yaman Farooq-e-Azam ne
مصائب بیکسوں کے اپنی جاں پر جھیل کر تائبؔ
مٹائے قوم کے رنج و محن فاروقِ اعظم نے
Masaib bekason ke apni jaan par jhel kar Taib
Mitaye qaum ke ranj o mihn Farooq-e-Azam ne
Share This Naat
Share with friends and family
سنوارا عدل و احساں کا چمن فاروقِ اعظم نے
حفیظ تائب