کیوں عقیدت سے نہ میرا دل پُکارے یا علی
جس کے ہیں مولا محمدؐ ، اُس کے ہیں مولا علی
Kyun aqeedat se na mera dil pukare ya Ali
Jis ke hain Maula Muhammad (ﷺ), us ke hain Maula Ali
جس گھڑی اللہ کے گھر میں ہوئے پیدا علی
ذرّہ ذرّہ با ادب ہو کر پُکارا ، یا علی
Jis ghari Allah ke ghar mein huye peda Ali
Zarrah zarrah ba adab ho kar pukara, ya Ali
بے نظیر اُنکی شجاعت ، بے مثال اُن کی سخا
ہے زمانے کا یہ نعرہ لا فَتیٰ اِلّا علی
Be nazir unki shujaat, be misaal un ki sakha
Hai zamane ka ye naara la fata illa Ali
جاں نثارانِ محؐمد کے کئی القاب ہیں
عِلم کا دروازہ کہلائے مگر ، تنہا علی
Jaan nisaran-e Muhammad (ﷺ) ke kai alqaab hain
Ilm ka darwaza kehlae magar, tanha Ali
مَرحَب و عَنتر گرے جس کے خدائی زور سے
مردِ حق ، شیرِ خدا ، خیبر کُشا ، مولا علی
Marhab o Antar gire jis ke khudaai zor se
Mard-e-haq, sher-e-khuda, Khyber kusha, Maula Ali
شاہِ مرداں ، قوّتِ بازو رسوؐلَ اللہ کے
کیوں بھَلا ہوتے کسی میدان میں پسپا علی
Shah-e-mardan, quwat-e-bazu Rasool Allah ke
Kyun bhala hote kisi maidan mein paspa Ali
جان و دل سے تھے عزیز ، اَللہ کے محبوبؐ کو
شبّر و شبیّر و حضرت فاطمہ زھرا، علی
Jaan o dil se the azeez, Allah ke Mehboob (ﷺ) ko
Shabbar o Shabbir o Hazrat Fatima Zahra, Ali
آگئیں نقش و نگارِ زندگی میں رونقیں
صدقِ نیّت سے جو لوحِ دل پہ لکّھا یا علی
Aa gayi naqsh o nigar-e-zindagi mein ronaqein
Sadiq niyat se jo loh-e-dil pe likha ya Ali
خیبر و خندق میں دُشمن کا صفایا کردیا
جوہرِ مردانگی دِکھلا گئے کیا کیا علی
Khyber o Khandaq mein dushman ka safaya kiya
Johar-e-mardangi dikhla gaye kya kya Ali
جرات و ہمّت میں تُم ہو آپ ہی اپنا جواب
مادرِ گیتی نہ پیدا کر سکی تُم سا علی
Jurrat o himmat mein tum ho aap hi apna jawab
Madar-e-giti na paida kar saki tum sa Ali
دل گرفتہ ہُوں غم و آلام کی یلغار سے
اِس طرف بھی اک نظر ہو اے مِرے آقا، علی
Dil girafta hoon gham o alam ki yalgaar se
Is taraf bhi ek nazar ho aye mere aaqa, Ali
جن کے چہرے پر نظر کرنا عبادت ہے نصیؔر
وہ حدیثِ مصطفےٰؐ کی رُو سے ہیں ، مولا علی
Jin ke chehre par nazar karna ibaadat hai Naseer
Woh hadees-e-Mustafa (ﷺ) ki roo se hain, Maula Ali
Share This Naat
Share with friends and family
کیوں عقیدت سے نہ میرا دل پُکارے یا علی
سید نصیرالدیں نصیر