یہ کعبہ سے ندا آئی، اِدھر دیکھو ولی آیا
ہوا چرچا زمانے میں ، علیؓ آیا ، علیؓ آیا
Yeh Kaaba se nida aayi, idhar dekho wali aaya
Hua charcha zamane mein, Ali (RA) aaya, Ali (RA) aaya
جو اُس دم بھی نمازی تھا،نہ تھا حکمِ نماز اُترا
جو دیکھا اُس علیؓ کو تو ، شعورِ بندگی آیا
Jo us dam bhi namazi tha, na tha hukm-e-namaz utra
Jo dekha us Ali (RA) ko to, shuoor-e-bandagi aaya
مہاجر اور انصاری بنے بھائی سبھی باہم
مگر تُجھ کو مبارک ہو کہ تُو بن کر اخی آیا
Mohajir aur Ansari bane bhai sabhi baaham
Magar tuj ko mubarak ho ke tu ban kar akhi aaya
بڑا تھا زعم مرحب کو، نہیں کوئی شجیع ایسا
مچی تھی کھلبلی ہر سُو ، مُقابل جب علیؓ آیا
Bara tha zaam Marhab ko, nahin koi shaji' aisa
Machi thi khalbali har su, muqabil jab Ali (RA) aaya
رسائی علمِ سرور ﷺ تک درِ حیدرؓ سے ممکن ہے
سو اُس در سے جو گزرا ہے اُسے علمِ نبی ﷺ آیا
Rasai ilm-e-Sarwar (SAW) tak dar-e-Haider (RA) se mumkin hai
So us dar se jo guzra hai use ilm-e-Nabi (SAW) aaya
جسے ناقابلِ تسخیر سمجھے تھےمکیں اُس کے
وہ خیبر بھی لرزتا تھا کہ ڈھانے کو علیؓ آیا
Jise na-qabil-e-taskheer samjhe the makeen us ke
Woh Khyber bhi larazta tha ke dhaane ko Ali (RA) aaya
ہوا محبوب ہر اِک کا ، کہا جس نے علیؓ مولا
وہی رُسوا ہوا ہر جا ، مُقابل جو شقی آیا
Hua mehboob har ik ka, kaha jis ne Ali (RA) Maula
Wohi ruswa hua har ja, muqabil jo shaqi aaya
کہ اولادِ علیؓ نے ہی صنم توڑے زمانے کے
بتوں کو توڑنے پہلے ،نبیﷺ آئے علیؓ آیا
Ke aulad-e-Ali (RA) ne hi sanam tore zamane ke
Buton ko todne pehle, Nabi (SAW) aaye Ali (RA) aaya
زمینِ ہند پر گاڑے جو پنجے کُفر نے ہر سُو
ہلانے اُن کی بنیادیں ، یہاں ہندُ الولی آیا
Zameen-e-Hind par gadhay jo panjay kufr ne har su
Hilane un ki bunyaden, yahan Hindu al-wali aaya
یہاں فتنہ کیا برپا جو مرزا قادیانی نے
تو کرنے اُس کی سرکُوبی مرا مہرِ علی آیا
Yahan fitna kya barpa jo Mirza Qadiani ne
To karne us ki sarkoobi mera Mehr-e-Ali aaya
لکھی ماہِ رجب کی تیرہویں تاریخ ہے دل پر
جلیل ، اِس روز دنیا میں ، مرا پیارا علیؓ آیا
Likhi Maah-e-Rajab ki terhween tareekh hai dil par
Jaleel, is roz duniya mein, mera pyara Ali (RA) aaya
Share This Naat
Share with friends and family
یہ کعبہ سے ندا آئی، اِدھر دیکھو ولی آیا
حافظ عبدالجلیل