خیال طیبہ کے قرباں ہے دنیا کیف زا میری
مدینے کا چمن میرا مدینے کی فضا میری
Khayaal Tayyaba ke qurbaan hai duniya kaif-za meri
Madine ka chaman mera Madine ki fizaa meri
سکون دل قرار جاں بھی ہے ذکر جمیل ان کا
ہے یاد سرور کونین بھی مشکل کشا میری
Sukoon dil qaraar jaan bhi hai zikr e jameel un ka
Hai yaad Sarwar e Kawnain bhi mushkil kusha meri
بہ فیض شاہ دیں پہنچوں گا اک دن پھر مدینے میں
کہ لوٹے گی ہم آغوش اثر ہو کے دعا میری
Be faiz Shah-e-deen pohnchon ga ek din phir Madine mein
Ke lote gi hum aagosh asar ho ke dua meri
محبت میں نہیں بیکار نغمہ ہو کہ نالہ ہو
پہنچتی ہے در محبوبؐ عالم تک صدا میری
Mohabbat mein nahin bekaar naghma ho ke naala ho
Pohchti hai dar e Mehboob ﷺ Alam tak sada meri
اجل آئی تو ان کی شکل زیبا سامنے ہوگی
نوید شوق لے کر آئے گی اک دن قضا میری
Ajal ayi to un ki shakal e zeba saamne hogi
Naveed e shauq le kar aye gi ek din qaza meri
مداوائے دل رنجور ہے باب کرم انؐ کا
انہی کی بارگاہ پاک ہے دارالشفا میری
Madawa e dil e ranjoor hai baab e karam un ﷺ ka
Inhi ki bargah e paak hai dar-ul-shifa meri
نہیں جچتا مری نظروں میں فن کیمیا سازی
کہ ہے خاک در شاہؐ مدینہ کیمیا میری
Nahin jachta meri nazron mein fun e keemiya saazi
Ke hai khaak e dar e Shah ﷺ Madina keemiya meri
مجھے راس آئی ہے مظہرؒ گدائی شاہ ؐ طیبہ کی
کہ ہے ذات شہؐ ہر دوسرا حاجت روا میری
Mujhe raas aayi hai Mazharؒ gadayi Shah e Tayyaba ki
Ke hai zaat e Shah ﷺ har doosra haajatrava meri
Share This Naat
Share with friends and family
خیال طیبہ کے قرباں ہے دنیا کیف زا میری
مظہر الدین مظہر