اکرامِ نبی، الطافِ خدا، سبحان اللہ ماشاء اللہ
لب پر ہے نبی کی نعت سدا سبحان اللہ ماشاء اللہ
Ikraam-e-Nabi, altaaf-e-Khuda, Subhan Allah Masha Allah
Lab par hai Nabi ki naat sada Subhan Allah Masha Allah
افلاک ہوں یا ہو فرشِ زمیں، سرکار کے ہیں سب زیر نگیں
ہے زیرِ قدم عرش اعلیٰ سبحان اللہ ماشاء اللہ
Aflaak hon ya ho farsh-e-zameen, Sarkaar ke hain sab zer nageen
Hai zer-e-qadam arsh e aala Subhan Allah Masha Allah
چاہو تو ازل کے بیمارو، طیبہ کے حسیں ذرّے چن لو
ہے خاکِ مقدس خاکِ شفا سبحان اللہ ماشاء اللہ
Chaho to azal ke beemaaro, Tayyaba ke haseen zarray chun lo
Hai khaak-e-muqaddas khaak e shifa Subhan Allah Masha Allah
آقا کے توسّل کا صدقہ، پورا ہوا جو کچھ چاہا تھا
اٹھّے بھی نہیں تھے دستِ دعا سبحان اللہ ماشاء اللہ
Aaqa ke tawassul ka sadqa, poora hua jo kuch chaha tha
Uthe bhi nahi the dast-e-dua Subhan Allah Masha Allah
سرکار پہ ظاہر ہے ہر شے، سرکار کا سکّہ چلتا ہے
از روزِ ازل تا روزِ جزا سبحان اللہ ماشاء اللہ
Sarkaar pe zaahir hai har shey, Sarkaar ka sikka chalta hai
Az roz-e-azal ta roz-e-jaza Subhan Allah Masha Allah
کشتِ دل دنیا ویراں تھی، لگتی تھیں زمیں بنجر ساری
بطحا سے اٹھی رحمت کی گھٹا سبحان اللہ ماشاء اللہ
Kasht-e-dil duniya weeraan thi, lagti theen zameen banjar saari
Bathaa se uthhi rehmat ki ghata Subhan Allah Masha Allah
دل نے جو حدیثِ شوق کہی، جب نعت ہوئی لب پر جاری
وارفتگی ہاتف نے کہا، سبحان اللہ ماشاء اللہ
Dil ne jo hadees-e-shauq kahi, jab naat hui lab par jaari
Waarfatgi hatif ne kaha, Subhan Allah Masha Allah
احساس گناہوں کا لے کر، حاضر ہے درِ پیغمبر پر
محمود یہ تیری طبعِ رسا سبحان اللہ ماشاء اللہ
Ehsaas gunaahon ka le kar, haazir hai dar-e-Payambar par
Mahmood ye teri tab'e risa Subhan Allah Masha Allah
Share This Naat
Share with friends and family
اکرامِ نبی، الطافِ خدا، سبحان اللہ ماشاء اللہ
رشید محمود راجا