پُل سے اُتارو راہ گزر کو خبر نہ ہو
جِبریل پر بِچھائیں تو پر کو خبر نہ ہو
pul se utaro rah guzar ko khabar na ho
jibra'eel par bichayein tu par ko khabar na ho
کانٹا مِرے جگر سے غَمِ رُوزگار کا
یُوں کِھینچ لیجیے کہ جِگر کو خبر نہ ہو
kanta mire jigar se gham-e-rozgar ka
yun kheenchain lijiye ke jigar ko khabar na ho
فریاد اُمَّتی جو کرے حالِ زار میں
ممکن نہیں کہ خیرِ بشَر کو خبر نہ ہو
faryad ummti jo kare haal-e-zar mein
mumkin nahi ke khair-e-bashar ko khabar na ho
کہتی تھی یہ بُراق سے اُس کی سبک رَوی
یُوں جائیے کہ گردِ سفر کو خبر نہ ہو
kehti thi ye buraq se us ki sabak rwi
yun jayein ke gard-e-safar ko khabar na ho
فرماتے ہیں یہ دونوں ہیں سردارِ دو جہاں
اے مُرتضیٰ! عتیق و عمر کو خبر نہ ہو
farmate hain ye dono hain sardaar-e-do jahan
ae murtaza! atiq o umar ko khabar na ho
ایسا گُما دے اُن کی وِلا میں خدا ہمیں
ڈُھونڈھا کرے پر اپنی خبر کو خبر نہ ہو
aisa guma de un ki wala mein Khuda humein
dhoondha kare par apni khabar ko khabar na ho
آ دِل! حرم کو روکنے والوں سے چُھپ کے آج
یُوں اُٹھ چلیں کہ پہلو و بر کو خبر نہ ہو
a dil! Haram ko rokne walon se chup ke aaj
yun uth chalein ke pehlu o bar ko khabar na ho
طیر حَرم ہیں یہ کہیں رشتہ بپا نہ ہوں
یُوں دیکھیے کہ تارِ نظر کو خبر نہ ہو
tair Haram hain ye kahin rishta bpa na ho
yun dekhiye ke taar-e-nazar ko khabar na ho
اے خارِ طیبہ! دیکھ کہ دامن نہ بھیگ جائے
یُوں دِل میں آکہ دِیدۂ تر کو خبر نہ ہو
ae khaar-e-Taiba! dekh ke daaman na bheeg jaaye
yun dil mein a ke deeda'e-tar ko khabar na ho
اے شوقِ دل! یہ سجدہ گر اُن کو روا نہیں
اچھا! وہ سجدہ کیجئے کہ سر کو خبر نہ ہو
ae shauq-e-dil! ye sajda gar un ko rawaa nahi
acha! wo sajda kijiye ke sar ko khabar na ho
اُن کے سِوا رضاؔ کوئی حامی نہیں جہاں
گُزرا کرے پِسَر پہ پِدَر کو خبر نہ ہو
un ke siwa Raza koi haami nahi jahan
guzra kare pisar pe pidar ko khabar na ho
Share This Naat
Share with friends and family
پُل سے اُتارو راہ گزر کو خبر نہ ہو
احمد رضا خان بریلوی