ارضِ طیبہ میں اِک بار جائے کوئی
در سے ملتا ہے کیا کیا ، بتائے کوئی
Arz-e-Taybah mein ik baar jaye koi
Dar se milta hai kya kya, bataye koi
ایسا ممکن نہیں ہے سوا آپ کے
دُشمنوں کو گلے سے لگائے کوئی
Aisa mumkin nahin hai swa aap ke
Dushmanon ko gale se lagaye koi
سر پہ رکھتے ہیں دستِ تسلّی وہی
اپنے دُکھڑے جو اُن کو بتائے کوئی
Sar pe rakhte hain dast-e-tasalli wohi
Apne dukhre jo un ko bataye koi
در پہ آئے کو خالی نہ موڑا کبھی
اِک سخی اُن کے جیسا تو لائے کوئی
Dar pe aaye ko khaali na moda kabhi
Ik sakhi unke jesa to laaye koi
ڈوبے سُورج کو موڑے ، قمر توڑ دے
یہ سِوا ان کے کر کے دکھائے کوئی
Doobay sooraj ko mode, qamar tod de
Ye siwa un ke kar ke dikhaye koi
ٹکٹکی باندھ کر اُس کو تکتا ہوں میں
لوٹ کر جب مدینے سے آئے کوئی
Tikatki baandh kar usko dekhta hoon main
Loot kar jab Madine se aaye koi
کوئی لڑتے سقایت پہ صدیوں تلک
جام اُلفت کا اُن کو پلائے کوئی
Koi larte saqayeet pe sadiyon talak
Jaam ulfat ka un ko pilaaye koi
نام حیدر کا سُن کر یہ دیکھا گیا
کوئی خوش ہے مگر تِلملائے کوئی
Naam Haider ka sun kar ye dekha gaya
Koi khush hai magar tilmalaaye koi
کوئی پڑھتا ہے مُصحف کو محراب میں
نوکِ نیزہ پہ چڑھ کر سُنائے کوئی
Koi padhta hai Mushaf ko mehrab mein
Nok-e-nezah pe chadh kar sunaye koi
ما سِوا ابنِ حیدر ، بھلا کون ہے
کربلا میں جو کُنبہ کٹائے کوئی
Ma siwa ibn-e-Haider, bhala kaun hai
Karbala mein jo kunba kattaaye koi
چل جلیل ! اُن کے در سے پیام آ گیا
کاش ! مُژدہ یہ آ کر سُنائے کوئی
Chal Jaleel! un ke dar se payam aa gaya
Kaash! mujda ye a kar sunaye koi
Share This Naat
Share with friends and family
ارضِ طیبہ میں اِک بار جائے کوئی
حافظ عبدالجلیل