دیارِ دل کی زرد رت بہار کی تلاش میں
نظر ہے دیدِ شاہ کے قرار کی تلاش میں
Dayar-e-dil ki zard rut bahar ki talash mein
Nazar hai deed-e-Shah ke qarar ki talash mein
ہے سرزمينِ یثربِ خیال و خواب مضطرب
ازل سے ایک اونٹنی سوار کی تلاش میں
Hai sarzamin-e-Yasrab-e-khayaal o khwab muztarib
Azal se aik oontni sawar ki talash mein
عجب سماں بروزِ حشر دیکھنے میں آئے گا
کریم ہوں گے جب سیاہ کار کی تلاش میں
Ajab samaan b-roze-Hashr dekhnay mein aayega
Kareem honge jab syaah kaar ki talash mein
جو سرفراز ہیں طوافِ گنبدِ حسِین سے
میں جاؤں ان کبوتروں کی ڈار کی تلاش میں
Jo sarfaraz hain tawaaf-e-gumbad-e-Haseen se
Mein jaon un kabootron ki daar ki talash mein
جو بارگاہِ شاہِ دو جہان سے ہو مستند
قلم ہے ایسی مدحِ مشکبار کی تلاش میں
Jo bargah-e-Shah-e-Do Jahan se ho mustand
Qalam hai aisi madh-e-mushkbaar ki talash mein
جہاں ہیں مشک و عود و عنبر و عبیر خیمہ زن
دھڑک رہا ہے دل اسی دیار کی تلاش میں
Jahan hain mushk o oud o anbar o abeeren khayma zann
Dhadak raha hai dil usi dayaar ki talash mein
بتایا ماں نے صرف حاضری ہو مقصدِ سفر
مدینے جا رہا تھا روزگار کی تلاش میں
Bataya maan ne sirf haaziri ho maqsad-e-safar
Madine ja raha tha rozgar ki talash mein
Share This Naat
Share with friends and family
دیارِ دل کی زرد رت بہار کی تلاش میں
اشفاق احمد غوری