خامۂ فدائے حمد بھی قربانِ نعت ہے
نطق و شعور و فکر کو ارمانِ نعت ہے
Khamah-e-fida-e-hamd bhi qurbaan-e-naat hai
Nutq o sha'ur o fikr ko armaan-e-naat hai
محشر تو ان کی شان کا ہے مقطعِ جلی
عالم تمام مطلعِ دیوانِ نعت ہے
Mahshar to un ki shaan ka hai maqt'a-e-jali
Aalam tamam matla-e-deewan-e-naat hai
ہے صدرِ بزمِ نعت بھی خود خالقِ جہاں
محبوبِ حق وہ شمعِ شبستانِ نعت ہے
Hai sadr-e-bazm-e-naat bhi khud khaliq-e-jahan
Mahboob-e-Haq woh shama-e-shabistan-e-naat hai
ہر گُل میں ہر چمن میں محمد کا نُور ہے
وہ وجہِ کُل ہی حسنِ گلستان نعت ہے
Har gul mein har chaman mein Muhammad ka noor hai
Woh wajah-e-kul hi husn-e-gulistan naat hai
آدم سے عیسٰی تک ہیں تمامی قصیدہ خواں
اللّٰہ کیا چنیدہ یہ ایوانِ نعت ہے
Aadam se Isa tak hain tamaami qasida khwan
Allah kya chineeda yeh aiwan-e-naat hai
ہر اک زماں میں اسمِ محمد ہے جلوہ گر
ہر اک مکاں میں مہکا وہ بستانِ نعت ہے
Har ik zamaan mein ism-e-Muhammad hai jalwa gar
Har ik makaan mein mehka woh bustan-e-naat hai
سیرت سے مستنیر ہے ہر گوشۂ حیات
اک اک ادا حضور کی برھانِ نعت ہے
Seerat se mustaneer hai har goshah-e-hayat
Ik ik ada huzoor ki burhan-e-naat hai
فکرو عمل بھی ساتھ ہوں لفظ و بیان کے
’’ہر شعبۂ حیات میں امکانِ نعت ہے‘‘
Fikro amal bhi saath hon lafz o bayan ke
"Har shobah-e-hayat mein imkaan-e-naat hai"
مدح و ثنائے خواجہ تو قرآں سے سیکھیے
راہِ غزل نہیں ہے یہ میدانِ نعت ہے
Madh o sana-e-Khwajah to Quran se seekhiye
Raah-e-ghazal nahi hai yeh maidan-e-naat hai
ناعت ہمارے عہد کے حاضر ہوئے تمام
عنوانِ نعت جب سے یہ امکانِ نعت ہے
Naat ke waare humare ahad ke haazir huwa tamaam
Unwan-e-naat jab se yeh imkaan-e-naat hai
روشن عدیم لفظ ہیں مقصودِ نعت کے
نُورِ جمالِ شاہ ہی فیضانِ نعت ہے
Roshan Adeem lafz hain maqsood-e-naat ke
Noor-e-jamal-e-Shah hi faizaan-e-naat hai
بوتا ہوں حرف حرف میں مدحِ نبی کی فصل
پیہم نزولِ موسمِ بارانِ نعت ہے
Bota hoon harf harf mein madh-e-nabi ki fasal
Paiham nazool-e-mausam-e-baran-e-naat hai
وارفتگی و بے بسی و خود سپردگی
میرے تو پاس بس یہی سامانِ نعت ہے
Warftagi o be basri o khud supurdgi
Mere to paas bas yahi saamaan-e-naat hai
نوری مرے کریم کا کیسا کرم ہوا
میرا یہ حرفِ عجز بھی گلدانِ نعت ہے
Noori mere Kareem ka kaisa karam huwa
Mera yeh harf-e-ajz bhi guldaan-e-naat hai
Share This Naat
Share with friends and family
خامۂ فدائے حمد بھی قربانِ نعت ہے
محمد ظفراقبال نوری