خامۂ اشفاق ہے مبہوت فن سجدے میں ہے
بارگاہِ نعت میں حرفِ سخن سجدے میں ہے
Khamha-e-Ashfaq hai mabhoot fan sajday mein hai
Baargah-e-naat mein harf-e-sukhan sajday mein hai
شاہِ دو عالم کے جسمِ مشک زا کے سامنے
عود و عنبر منفعل مشکِ ختن سجدے میں ہے
Shah-e-do aalam ke jism-e-mushk za ke samnay
Oud o anbar manfail mushk-e-khitan sajday mein hai
شام کو تھی چاندنی کوئے نبی میں سر بہ خم
صبح دم خورشید کی پہلی کرن سجدے میں ہے
Shaam ko thi chandni kooye nabi mein sar bah kham
Subh dam khursheed ki pehli kiran sajday mein hai
التجا، حسرت، طلب، خواہش، تمنا ،آرزو
سنگِ در پر حاضری کا ہر جتن سجدے میں ہے
Iltija, hasrat, talab, khwahish, tamanna, aarzu
Sang-e-dar par hazri ka har jatan sajday mein hai
اوج پر جاہ و جلالِ کبریا ہے حشر میں
خاطی امت کے لئے شاہِ زمن سجدے میں ہے
Ooj par jaah o jalal-e-kibriya hai hashr mein
Khati ummat ke liye shah-e-zaman sajday mein hai
آسمانِ دل پہ چمکی یاد مثلِ ماہتاب
دھڑکنیں دف ہو گئی ہیں اور من سجدے میں ہے
Aasman-e-dil pe chamki yaad misal-e-mahtab
Dharkanain daf ho gayi hain aur man sajday mein hai
یوں عبادت کربلا میں کی نبی کی آل نے
سر سناں پر قاریٔ قرآں بدن سجدے میں ہے
Yun ibadat Karbala mein ki nabi ki aal ne
Sar sanan par qari-e-Quran badan sajday mein hai
Share This Naat
Share with friends and family
خامۂ اشفاق ہے مبہوت فن سجدے میں ہے
اشفاق احمد غوری