مر کے اپنی ہی اداؤں پہ امر ہو جاؤں
اُن کی دہلیز کے قابل مَیں اگر ہو جاؤں
mar ke apni hi adaaon pe amar ho jaon
un ki dehleez ke qaabil main agar ho jaon
اُن کی راہوں پہ مجھے اتنا چلانا یارب
کہ سفر کرتے ہوئے گردِ سفر ہو جاؤں
un ki raahon pe mujhe itna chalana yarab
ke safar karte hue gird-e-safar ho jaon
زندگی نے تو سمندر میں مجھے پھینک دِیا
اپنی مُٹّھی میں وہ لے لیں تو گُہر ہو جاؤں
zindagi ne to samandar mein mujhe phaink diya
apni mutthi mein wo le lein to guhar ho jaon
میرا محبوب ہے ، و ہ راہبرِ کون و مکاں
جس کی آہٹ بھی مَیں سُن لُوں تو خضر ہو جاؤ ں
mera mehboob hai, wo raahbar-e-kon o makaan
jis ki aahat bhi main sun loon to khizr ho jaon
اِس قدر عشقِ نبی ہو کہ مِٹا دُوں خود کو
اِس قدر خوفِ خدا ہو کہ نڈر ہو جاؤں
is qadar ishq-e-nabi ho ke mita doon khud ko
is qadar khauf-e-khuda ho ke naddar ho jaon
ضرب دوں خود کو جو اُن سے تو لگوں لا تعداد
وُہ جو مُجھ میں سے نِکل جائیں ، صِفر ہو جاؤں
zarb doon khud ko jo un se to lagoon la ta'adad
wo jo mujh mein se nikal jaayein, sifar ho jaon
آرزو اب تو مظفؔر جو کوئی ہے تو یہ ہے
جتنا باقی ہُوں ، مدینے میں بسر ہو جاؤں
aarzoo ab to Muzaf‘far jo koi hai to yeh hai
jitna baaqi hoon, Madine mein basar ho jaon
Share This Naat
Share with friends and family
مر کے اپنی ہی اداؤں پہ امر ہو جاؤں
مظفر وارثی