کون ہو مسند نشیں خاکِ مدینہ چھوڑ کر
خلد دیکھے کون ، کُوئے شاہِ بطحٰی چھور کر
Kon ho masnad nasheen khaak-e-Madina chor kar
Khuld dekhe kon, kooye Shah-e-BatHa chor kar
دل کی بستی اور ارمانوں کی دنیا چھوڑ کر
ہائے کیوں لَوٹے تھے ہم شہرِ مدینہ چھوڑ کر
Dil ki basti aur armaanon ki duniya chor kar
Haaye kyon lautay thay hum shehar-e-Madina chor kar
گھر سے پہنچے اُن کے روضے پر تو ہم کو یُوں لگا
جیسے آ نکلے کوئی گُلشن میں ، صحرا چھوڑ کر
Ghar se pohnchay un kay rozay par to hum ko yun laga
Jaise aa niklay koi gulshan mein, sahra chor kar
کون نظروں پر چڑھے حُسنِ حقیقت کے سِوا
کس کا منہ دیکھیں ہم اُن کا رُوئے زیبا چھوڑ کر
Kon nazron par charhe husn-e-haqeeqat ke siwa
Kis ka munh dekhein hum un ka rukh-e-zeba chor kar
اللہ اللہ آمدِ سلطانِ اِنس و جاں کی شان
اِک طرف قُدسی بھی ہو جاتے تھے ، رستہ چھوڑ کر
Allah Allah aamad-e-Sultan-e-Ins o jaan ki shaan
Ik taraf qudsi bhi ho jatay thay, rasta chor kar
مُصطفٰی جنّت میں جائیں گے نہ اُمّت کے بغیر
جا نہیں سکتا کبھی تنکوں کو دریا چھوڑ کر
Mustafa jannat mein jayenge na ummat ke baghair
Ja nahi sakta kabhi tankon ko darya chor kar
تھی نہ چاہت دل میں زَھرا کے دلاروں کی اگر
کیوں اُترتے تھے نبی، منبر سے خطبہ چھوڑ کر
Thi na chahat dil mein Zahra ke dularon ki agar
Kyon utartay thay Nabi, mimbar se khutba chor kar
رہروانِ راہِ حق تھے اور بی لاکھوں ، مگر
کوئی منزل پر نہ پہنچا، اِبنِ زَھرا ْچھوڑ کرْ
Rehrawan-e-rah-e-haq thay aur bi laakhon, magar
Koi manzil par na pohancha, Ibn-e-Zahra chor kar
اُن صحابہ کے اِس اندازِ قناعت پر سلام
اُن کی چو کھٹ پر جو آبیٹھے تھے ، کیا کیا چھوڑ کر
Un sahaba ke is andaaz-e-qana'at par salaam
Un ki chokhat par jo aa baithe thay, kya kya chor kar
وہ ازل سے میرے آقا ، مَیں غلام ابنِ غلام
کیوں کسی کے در پہ جاؤں ، اُن کا صدقہ چھوڑ کر
Woh azal se mere Aaqa, main ghulam Ibn-e-ghulam
Kyon kisi ke dar pe jaon, un ka sadqa chor kar
خوانِ شاہی کی ہوس رکھتے نہیں اُن کے گدا
کیوں اُدھر لپکیں ، وہ اِن ٹکڑوں کا چسکا چھوڑ کر
Khan-e-shahi ki havas rakhte nahi un ke gada
Kyon udhar lapkein, woh in tukron ka chuska chor kar
وہ سلامت اور اُن کا در سلامت تا ابد
کیوں پھریں دردر ، ہم اُس کوچے کا پھیرا چھوڑ کر
Woh salamat aur un ka dar salamat ta abad
Kyon phiren dar dar, hum us kooche ka phera chor kar
مَیں کہاں گھوموں ، کہاں ٹھہروں ، کسے دیکھا کروں
اُن کی گلیاں ، اُن کی جالی ، اُن کا روضہ چھوڑ کر
Main kahan ghoomon, kahan thehroon, kise dekha karoon
Un ki galiyaan, un ki jali, un ka roza chor kar
اتفا قاً گر چلے جاتے وہ ساحل پر کبھی
مچھلیاں آتیں قدم لینے کو ، دریا چھوڑ کر
Itifaqan gar chale jatay woh saahil par kabhi
Machhliyaan aaten qadam lene ko, darya chor kar
ذہن ، میں رکھیے وہ ارشادِ نبی وقتِ وصال
جا رہا ہوں سُنّت و قرآں کو یکجا چھوڑ کر
Zehn, mein rakhiyay woh irshad-e-Nabi waqt-e-wisal
Ja raha hoon sunnat o quraan ko yakja chor kar
اے مسلماں ! ہے یہی حکم ِ خدا و مصطفٰی
فکرِ عُقبیٰ کر ہمیشہ ، فکرِ دنیا چھوڑ کر
Ae musalman! hai yehi hukum-e-Khuda o Mustafa
Fikr-e-uqba kar hamesha, fikr-e-duniya chor kar
پُوچھنے پھر کون آئے گا نصیرؔ اُن کے سوا
جب لحد میں تجھ کو سب لوٹیں گے تنہا چھوڑ کر
Poochhne phir kon aaega Nasir un ke siwa
Jab lahd mein tujh ko sab lautain gay tanha chor kar
Share This Naat
Share with friends and family
کون ہو مسند نشیں خاکِ مدینہ چھوڑ کر
سید نصیرالدیں نصیر