کرم کر بے ہُنر تے بے نوا تے یا رسول اللہ
مِلو وچ خواب دے راتے براتے یا رسول الله
Karam kar be-hunar te be-nawa te ya Rasool Allah
Milo vich khawab de raat te baraat te ya Rasool Allah
زمانہ تولیا تے جاچیا تے پرکھیا سارا
رہواں اس نال ہُن کیہڑے میں ناتے یا رسول اللہ
Zamana toliya te jaachia te parkhia saara
Rhawaan as naal hun kihre main naate ya Rasool Allah
میرے حالات کہندے نے کہ چیکاں مار کے روواں
مگر راضی ہاں میں تیری رضا تے یا رسول اللہ
Mere halaat kehnde ne ke cheekaan maar ke rowaan
Magar raazi haan main teri raza te ya Rasool Allah
گئے لگدے نویں زخماں دے اُتے زخم نیں اینے
نئیں جاندے داغ وی ہن تے پچھاتے یا رسول اللہ
Gaye lagde naveen zakhmaan de ute zakhm ne enhe
Nahin jaande daagh wi hun te puchhate ya Rasool Allah
میرے سب زخم اک پانی وچ ہوا ہو جانے سی سارے
نئیں چلدا زور طیبہ دی ہوا تے یا رسول اللہ
Mere sab zakhm ik paani vich hawa ho jaane si saare
Nahin chalda zor Taiba di hawa te ya Rasool Allah
بڑے چر دی تمنا لَے کے بیٹھا ہاں میں دل اندر
ایہہ سر رکھاں ترے قدماں دی جا تے یا رسول اللہ
Baday cher di tamanna le ke baitha haan main dil andar
Eh sar rakhaan tere kadmaan di ja te ya Rasool Allah
سوا تیرے بچا سکدا ناں کوئی ہور صائم نوں
ایہہ سارے ڈوب بیٹھا وہیاں کھاتے یا رسول اللہ
Siwa tere bacha sakda naa koi hor Sa'eem no
Eh saare doob baitha wahiyaan khaate ya Rasool Allah
Share This Naat
Share with friends and family
کرم کر بے ہُنر تے بے نوا تے یا رسول اللہ
علامہ صائم چشتی