شہِؐ خوبانِ عالم کی محبت ساتھ رہتی ہے
وسیلے سے نبیؐ کے حق کی رحمت ساتھ رہتی ہے
Shah-e-Khuban-e-Alam ki muhabbat sath rehti hai
Waseele se Nabi ke Haq ki rehmat sath rehti hai
مجھے فقر و غنا کی بھیک ملتی ہے پیمبرؐ سے
عطائے شہؐ سے خودداری کی دولت ساتھ رہتی ہے
Mujhe faqr o ghina ki bheek milti hai Paighambar se
Ataaye Shah se khuddaari ki daulat sath rehti hai
وہ ضبط و تزکیہ کی منزلیں طے کر کے ہیں آئے
محبانِ پیمبرؐ کے نیابت ساتھ رہتی ہے
Woh zapt o tazkiya ki manzilen tay kar ke hain aaye
Muhiban-e-Paighambar ke niabat sath rehti hai
سدا نورانیت رہتی ہے اہلِ دل کے چہروں پر
محبت کرنے والوں کے متانت ساتھ رہتی ہے
Sada nooraniyat rehti hai Ahl-e-dil ke chehron par
Muhabbat karne walon ke matanat sath rehti hai
ثنا کاری میں کارآمد ستارے کہکشائیں ہیں
کنایوں استعاروں کی رعایت ساتھ رہتی ہے
Sana kaari mein karamad sitare kehka-shaen hain
Kanayon istyaron ki riayat sath rehti hai
خدا سے مانگ لیتا ہوں نبیؐ کا واسطہ دے کر
رسائی کو دعائوں کی یہ نعمت ساتھ رہتی ہے
Khuda se maang leta hoon Nabi ka waasta de kar
Rasai ko duaaon ki yeh naimat sath rehti hai
صنائع اور بدائع سے مرصع کیوں نہ ہوں نعتیں
ہمہ دم سرورِؐ عالم کی نسبت ساتھ رہتی ہے
Sanai aur badaai se murassa kyun na hoon naaten
Hama dam Sarwar-e-Alam ki nisbat sath rehti hai
بنا ہے رو کشِ نافہ ہمارا پیکرِ ہستی
’’عجب خوشبو درودوں کی بدولت ساتھ رہتی ہے‘‘
Bana hai ro kash-e-nafah humara paikar-e-hasti
“Ajab khushboo daroodon ki badolat sath rehti hai”
مجھے کیوں برزخ و محشر کا ہو کچھ خوف اے طاہرؔ
شفیعِ حشر کی ہر دم شفاعت ساتھ رہتی ہے
Mujhe kyun barzakh o mahshar ka ho kuch khauf ae Tahir
Shafi-e-Hashar ki har dum shafaat sath rehti hai
Share This Naat
Share with friends and family
شہِؐ خوبانِ عالم کی محبت ساتھ رہتی ہے
پروفیسر محمد طاہر صدیقی