بس شہرِ سرکار کو جانا اچھا لگتا ہے
اُن کے شہر کا آب و دانہ اچھا لگتا ہے
Bas shehr-e-sarkar ko jana acha lagta hai
Un ke shehar ka aab o dana acha lagta hai
سوچیں ہوں مرکُوز مری ان کے مُکھڑے پر
سوچوں کا یہ تانا بانا اچھا لگتا ہے
Sochain hon markooz meri un ke mukhrRe par
Sochon ka yeh tana bana acha lagta hai
صبح و مسا ان کے دروازے پر جا کر کے
بس اپنے احوال سُنانا اچھا لگتا ہے
Subah o masa un ke darwazay par ja kar ke
Bas apne ahwal sunana acha lagta hai
تیرا بھی اب دیکھ بُلاوا آ پہنچا ہے
ان کا یہ پیغام سُنانا اچھا لگتا ہے
Tera bhi ab dekh bulawa aa pohancha hai
Un ka yeh pegham sunana acha lagta hai
میرے سر پر آقا کے نعلین سجے ہوں
سر پر ایسا تاج سجانا اچھا لگتا ہے
Mere sar par aaqa ke naalain saje hon
Sar par aisa taj sajana acha lagta hai
اُنْ سا ہو سالار تو منزل پاس ہے میرے
منزل کو آسان بنانا اچھا لگتا ہے
Un sa ho salar to manzil paas hai mere
Manzil ko asan banana acha lagta hai
تن من دھن اولاد مری ، یہ مال بھی میرا
فوز و فلاح کے کام میں آنا اچھا لگتا ہے
Tan man dhan aulad meri, yeh maal bhi mera
Fauz o falah ke kaam mein aana acha lagta hai
اور کسی سے کیا لینا دینا ہے ہم کو
ہم کو تو وہ پاک گھرانہ اچھا لگتا ہے
Aur kisi se kya lena dena hai hum ko
Hum ko to woh paak gharana acha lagta hai
قرنوں کا سرتاج جلیل ہے ان کا زمانہ
بس وہ وقت وہ دَور سُہانا اچھا لگتا ہے
Qarnon ka sartaj jaleel hai un ka zamana
Bas woh waqt woh dor suhana acha lagta hai
Share This Naat
Share with friends and family
بس شہرِ سرکار کو جانا اچھا لگتا ہے
حافظ عبدالجلیل