ہے بے پناہ محبت مجھے حضورؐ کے ساتھ
تو میرا حشر بھی ہوگا مرے حضورؐ کے ساتھ
hai bepanah mohabbat mujhe huzurؐ ke sath
to mera hashr bhi hoga mere huzurؐ ke sath
یہ ایک راہِ بلندی فلک فلک جائے
جسے تلاش خدا ہےٗ چلے حضورؐ کے ساتھ
ye ek rah-e-bulandi falak falak jaye
jise talab khuda hai, chale huzurؐ ke sath
ہر اک کے حصّےِ میں معراجِ مصطفؐےٰ آئی
خدا پرست خدا تک گئے حضورؐ کے ساتھ
har ek ke hise mein meraaj-e-Mustafaؐ ayi
khuda parast khuda tak gaye huzurؐ ke sath
بجھائیں تشنگیاں اپنی صاحبانِ ہنر
ادب کے ساتھ چلیں فلسفے حضورؐ کے ساتھ
bujhayein tishngiyan apni saahiban-e-hunar
adab ke sath chalein falsafe huzurؐ ke sath
سمندروں میں کناروں کی جستجو تھی ہمیں
زہے نصیب کہ ہم جا لگے حضورؐ کے ساتھ
samandaron mein kinaron ki justajoo thi humein
zahe naseeb ke hum ja lage huzurؐ ke sath
زمانہ کرتا ہے اصرار ، میرے ساتھ چلو
خدا کا حکم ، چلے آئیے حضورؐ کے ساتھ
zamana karta hai israar, mere sath chalo
khuda ka hukm, chale aayiye huzurؐ ke sath
جدھر سے جاؤ گے پہنچو گے ایک منزل پر
محبتوں کے ہیں سب سلسلے حضورؐ کے ساتھ
jidhar se jao ge pahuncho ge ek manzil par
mohabbatoun ke hain sab silsile huzurؐ ke sath
چلو کہ تربیت دیدہ و شعور کریں
ہوا حضورؐ کے ساتھ ،آئنے حضورؐ کے ساتھ
chalo ke tarbiyat deedah o shaoor karein
hawa huzurؐ ke sath, aine huzurؐ ke sath
میسّر ایسا مظفر کو قُرب ہو جیسے
شریکِ ثور ابوبکر تھے حضورؐ کے ساتھ
maysar aisa Muzaffar ko qurb ho jaise
shareek-e-thaur Abu Bakr the huzurؐ ke sath
Share This Naat
Share with friends and family
ہے بے پناہ محبت مجھے
مظفر وارثی