کہاں جھکی ہے جبین نیاز کیا کہنا
رہا نہ کوئی بھی اَب راز راز کیا کہنا
Kahan Jhuki Hai Jabeen-e-Niyaz Kya Kehna
Raha Na Koi Bhi Ab Raaz Raaz Kya Kehna
ہے مجھ پہ بھی نگہہ بخت ساز کیا کہنا
عطائے خواجہ عَالم نواز کیا کہنا
Hai Mujh Pe Bhi Nigeh-e-Bakht Saaz Kya Kehna
Ataye Khwaja Alam Nawaz Kya Kehna
دَر رسُول کی نسبت ہی سرفرازی ہے
نیاز مند کو حاصل ہے ناز کیا کہنا
Dar e Rasool Ki Nisbat Hi Sarfarazi Hai
Niyaz Mand Ko Haasil Hai Naaz Kya Kehna
نصیب اُمَت عِصیاں زدہ سنوار گئی
حضورؐ کی نگہہ نیم باز کیَا کہنا
Naseeb Ummat I’syan Zada Sanwar Gayi
Huzurؐ Ki Nigeh Neem Baaz Kya Kehna
جُھکے جو سرور عَالم کے آستانے پر
ہوئے جہاں میں وُہی سر فراز کیا کہنا
Jhuke Jo Sarwar e Alam Ke Aastane Par
Hue Jahan Mein Wohi Sarfaraz Kya Kehna
نبیؐ کی یاد ہے اَور عِشق ہے امِام اَپنا
نصیب ہے ہمیں ایسی نماز کیَا کہنا
Nabiؐ Ki Yaad Hai Aur Ishq Hai Imam Apna
Naseeb Hai Humein Aisi Namaz Kya Kehna
تمہارے دامنِ رحمت کی ٹھنڈی چھاؤں میں
ہر ایک غم سے ہیں ہم بے نیاز کیا کہنا
Tumhare Daman-e-Rehmat Ki Thandi Chhaon Mein
Har Ek Gham Se Hain Hum Beyniyaz Kya Kehna
رُخِ رسُول حقیقت میں ہے وہ آئینہ
جِس آئینے میں ہے آئینہ ساز کیا کہنا
Rukh e Rasool Haqiqat Mein Hai Wo Aaeena
Jis Aaeene Mein Hai Aaeena Saaz Kya Kehna
یہ میرے وردِ محبت کا مجھ پہ اِحساں ہے
مِرا نبی ہے مِرا چارہ سَاز کیا کہنا
Ye Mere Wird-e-Mohabbat Ka Mujh Pe Ihsan Hai
Mera Nabi Hai Mera Charah Saaz Kya Kehna
مری طلب سے سَوا مجھکو بخش دیں گے حضورؐ
عیاں ہے اُن پہ مِرے دل کا راز کیا کہنا
Meri Talab Se Sawa Mujhko Bakhsh Denge Huzurؐ
Ayaan Hai Un Pe Mere Dil Ka Raaz Kya Kehna
خطا کے بعدِ نِدامت قبول کی تو نے
مِرے کریم مِرے کار ساز کیا کہنا
Khata Ke Baad-e-Nidamat Qubool Ki To Ne
Mere Kareem Mere Kar Saaz Kya Kehna
نہ لَب ہلے نہ بڑھے ہاتھ بھر گئی جھولی
عطائے دَر گہہِ بندہ نواز کیا کہنا
Na Lab Hale Na Badhe Haath Bhar Gayi Jholi
Ataye Dar Gah-e-Banda Nawaz Kya Kehna
سیاہ کملی کے ہر تار سے مِرے آقا
عیاں ہے بخششِ اُمت کا راز کیا کہنا
Siyah Kamli Ke Har Taar Se Mere Aaqa
Ayaan Hai Bakhshish e Ummat Ka Raaz Kya Kehna
کِس آستاں پہ جھکی ہے مِری جبیں خالدؔ
ہے بندگی کو بھی سجدوں پہ ناز کیا کہنا
Kis Aastan Pe Jhuki Hai Meri Jabeen Khalidؔ
Hai Bandagi Ko Bhi Sajdon Pe Naaz Kya Kehna
Share This Naat
Share with friends and family
کہاں جھکی ہے جبین نیاز کیا کہنا
خالد محمود خالد