سوہنے دا سوہنا نگر وسدا روے
رحمتاں والے دا در وسدا روے
Sohne da sohna nagar wasda roye
Rehmtan walay da dar wasda roye
ذکر ہووے جیہڑے گھر سرکار دا
حشر تک اللہ اوہ گھر وسدا روے
Zikr howe jehray ghar sarkar da
Hashar tak Allah oh ghar wasda roye
جتھوں منہ منگیاں مراداں ملدیاں
میرے آقا دا اوہ در وسدا روے
Jithon munh mangeean muradan mildian
Mere aaqa da oh dar wasda roye
جو مدینے دے سفر وچہ نال سی
یا خدا اوہ ہمسفر وسدا روے
Jo madine de safar wich naal si
Ya Khuda oh humsafar wasda roye
لیکے جو پیغام آیا آپ دا
اوہ نبی دا نامہ بر وسدا روے
Leke jo payam aya aap da
Oh nabi da nama bar wasda roye
آپ دی رحمت دا مینہ یا مصطفی
عاصیاں تے عمر بھر وسدا روے
Aap di Rehmat da menha ya Mustafa
Aasiaan te umar bhar wasda roye
خیر پا اپنے کرم دی سوہنیاں
تیرے ہر منگتے دا گھر وسدا روے
Khair pa apne karam di sohnia
Tere har mangte da ghar wasda roye
نام لیوا جو وی ہے سرکار دا
رئے جدوں تک بے خطر وسدار وے
Naam lewa jo wi hai sarkar da
Raye jidon tak be khatar wasda re
ہے نیازی دی دعا مرنے توں بعد
رئے قبر زندہ تے گھر وسدا روے
Hai Niazi di dua marne ton baad
Raye qabar zinda te ghar wasda roye
Share This Naat
Share with friends and family
سوہنے دا سوہنا نگر وسدا روے
عبدالستار نیازی