سوہنا آیا تے جہان سارا سجدا گیا
بُھکھا جتھے وی سی کوئی اوتھے رَجدا گیا
Sohna aya te jahaan saara sajda gaya
Bhukha jithe vi si koi othe rajda gaya
آیا آمنہ دا لال لَے کے رحمتاں نوں نال
بُوہا کافراں دے کُفر والا وجدا گیا
Aya amna da laal le ke rehmtan nu naal
Boha kafra de kufr wala vajda gaya
شان عید دی ضرور لے کے نسبت حضور
ودھ سارے دناں نالوں دِن اَج دا گیا
Shaan eid di zarur le ke nisbat huzoor
Wadh sare dinaan nalo din aj da gaya
رکھے پیر جیہڑی تھاں کرے کملی دی چھاں
سوہنا عاصیاں دے عیب سارے کجدا گیا
Rakhay peer jihri thaan kare kamli di chhaan
Sohna aasiya de aib sare kajda gaya
لایا مُنکراں نے زور پایا جِناں بہتا شور
اوہدے نام دا نقارہ ہور وجدا گیا
Laya munkra ne zor paya jina bahuta shor
Ohde naam da naqara hor vajda gaya
کُفر ہندا گیا زیر اوہدا علی مولا شیر
جیہڑے پاسے وی میدان وِچ گجدا گیا
Kufr hunda gaya zer ohda ali mola sher
Jihre pase vi maidan wich gajda gaya
آیا رب دا جاں نور ہویاں ظُلمتاں سی دُور
ول غاراں دے شیطان ہیسی بھج دا گیا
Aya rab da jaan noor hoyan zulmataan si door
Wal gharan de shaitan hisi bhajda gaya
سوہنے آقا نے سی آن کیتے لوک اک جان
فرق مٹک سارا چج تے کُوچج دا گیا
Sohne aqaa ne si aan kite lok ik jaan
Fark matak saara chaj te koojaj da gaya
جہنوں نبی مختار ویکھ لیا اک وار
اوہدے پیار دی زنجیر وچ بجھدا گیا
Jeanu nabi mukhtar vekh liya ik vaar
Ohde pyar di zanjeer vich bujhda gaya
آیا طیبہ دا خیال دُکھ دِتے سوہنے ٹال
نالے مل سی ثواب پورے حج دا گیا
Aya taiba da khayal dukh dite sohne taal
Nale mil si sawab pure haj da gaya
صائم عاصی نے ضرور سدا کیتے سی قصور
لج پال مان رکھدا بے لج دا گیا
Saim aasi ne zarur sada kite si qasoor
Lajpal maan rakhta be laj da gaya
Share This Naat
Share with friends and family
سوہنا آیا تے جہان سارا سجدا گیا
علامہ صائم چشتی