جو خواب میں کبھی آئیں حضور آنکھوں میں
سرور دل میں ہو پیدا تو نور آنکھوں میں
Jo khawab mein kabhi aayein Huzoor aankhon mein
Saroor dil mein ho peda to noor aankhon mein
ہٹا دیں آپ اگر رُخ سے اِک ذرا پردہ
چمک نہ جائے ابھی برقِ طور آنکھوں میں
Hata dein aap agar ruk se ik zara parda
Chamak na jaye abhi barq-e-toor aankhon mein
نظر کو حسرتِ پا بوس ہے مرے سروَر
کرم حضور کریں پُرضرور آنکھوں میں
Nazar ko hasrat-e-pa boos hai mere Sarwar
Karam Huzoor karein purzaroor aankhon mein
کھلے ہیں دِیدئہ عشاق قبر میں یوں ہی
ہے اِنتظار کسی کا ضرور آنکھوں میں
Khule hain deeda-e-aashiq qabr mein yun hi
Hai intezaar kisi ka zaroor aankhon mein
خدا ہے تو نہ خدا سے جدا ہے اے مولیٰ
ترے ظُہُور سے رب کا ظُہُور آنکھوں میں
Khuda hai to na Khuda se juda hai aye Moula
Tere zuhoor se Rab ka zuhoor aankhon mein
وُجودِ شمس کی بُرہاں ہے خود وُجود اس کا
نہ مانے کوئی اگر ہے قصور آنکھوں میں
Wujood-e-shams ki burhan hai khud wujood us ka
Na mane koi agar hai qasoor aankhon mein
خدا سے تم کو جدا دیکھتے ہیں جو ظالم
ہے زَیغ قلب میں ان کے فتور آنکھوں میں
Khuda se tum ko juda dekhte hain jo zalim
Hai zaigh qalb mein un ke fatoor aankhon mein
نہ ایک دل کہ مہ و مہر اَنجم و نرگس
ہے سب کی آرزو رکھیں حضور آنکھوں میں
Na ek dil ke meh-o-mehr anjum-o-nargis
Hai sab ki aarzoo rakhein Huzoor aankhon mein
اُمنڈ کے آہ نہیں آئے اَشک ہائے خوں
یہ آرہا ہے دِلِ ناصبور آنکھوں میں
Umr-d ke aahe nahi aaye ashk hai khoon
Yeh aa raha hai dil-e-nasuboor aankhon mein
حضور آنکھوں میں آئیں حضور دِل میں سمائیں
حضور دِل میں سمائیں حضور آنکھوں میں
Huzoor aankhon mein aayein Huzoor dil mein samaein
Huzoor dil mein samaein Huzoor aankhon mein
غلافِ چشم کے اُٹھتے ہی آسمان گئے
نظر کے ایسے قوی ہیں طیور آنکھوں میں
Ghilaf-e-chashm ke uthte hi aasman gaye
Nazar ke aise qawi hain tayyoor aankhon mein
نظر نظیر نہ آیا نظر کو کوئی کہیں
جچے نہ غلماں نظر میں نہ حور آنکھوں میں
Nazar nazir na aya nazar ko koi kahin
Jache na ghulmaan nazar mein na hoor aankhon mein
ہماری جان سے زیادہ قریب ہو ہم سے
تمہیں قریب جو ہم کو ہے دُور آنکھوں میں
Hamari jaan se zyada qareeb ho hum se
Tumhein qareeb jo hum ko hai door aankhon mein
جہاں کی جان ہیں وہ جان سے نہ کچھ منظور
عیاں ہے کف کی طرح نزد و دُور آنکھوں میں
Jahan ki jaan hain woh jaan se na kuch manzoor
Ayaan hai kaf ki tarah nazd-o-door aankhon mein
مئے محبت محبوب سے یہ ہیں سر سبز
بھری ہوئی ہے شرابِ طُہُور آنکھوں میں
Maye mohabbat mehboob se yeh hain sar sabz
Bhari hui hai sharaab-e-tahoor aankhon mein
ہوا ہے خاتمہ اِیمان پر ترا نوریؔ
جبھی ہیں خلد کے حور و قصور آنکھوں میں
Hua hai khatma imaan par tera Noori
Jabhi hain khald ke hoor-o-qasoor aankhon mein
Share This Naat
Share with friends and family
جو خواب میں کبھی آئیں حضور آنکھوں میں
مفتی مصطفٰی رضا خان