یہ جو اب التفات ہے اے دل
کوئی تو خاص بات ہے اے دل
Ye jo ab iltifaat hai ae dil
Koi to khaas baat hai ae dil
مدحِ سرکار ﷺ میں لگے رہنا
اِس میں تیری نجات ہے اے دل
Madh-e-sarkar ﷺ mein lage rehna
Is mein teri najaat hai ae dil
رُخ دکھا دیں تو دن نکل آئے
زلف کھولیں تو رات ہے اے دل
Rukh dikha dein to din nikal aaye
Zulf kholain to raat hai ae dil
اُن کی یادیں سکون دیتی ہیں
دن ہے اجلا کہ رات ہے اے دل
Un ki yaadein sukoon deti hain
Din hai ujla ke raat hai ae dil
اُلفتِ مصطفٰے ﷺ سنبھال کے رکھ
’’یہ مری کائنات ہے اے دل‘‘
Ulfat-e-Mustafa ﷺ sambhaal ke rakh
"Ye meri kaainaat hai ae dil"
وہ ملیں تو خُدا بھی ملتا ہے
مُصطفٰے ہی وہ ذات ہے اے دل
Wo milen to Khuda bhi milta hai
Mustafa hi wo zaat hai ae dil
ہے یہی تو جلیل کی دولت
مصطفیٰ کی جو نعت ہے اے دل
Hai yehi to Jaleel ki daulat
Mustafa ki jo naat hai ae dil
Share This Naat
Share with friends and family
یہ جو اب التفات ہے اے دل
حافظ عبدالجلیل