جو بات ظُلم سے نہ ہُوئی پیار سے ہُوئی
تہذیبِ زندگی تِرے کِردار سے ہُوئی
Jo baat zulm se na hui piyaar se hui
Tehzeeb-e-zindagi tere kirdaar se hui
جو مہر و ماہ بھی نہ زمانے کو دے سکے
وُہ روشنی تِرے دَر و دیوار سے ہُوئی
Jo mehr o maah bhi na zamane ko de sake
Woh roshni tere dar o deewaar se hui
امکان کی حدوں سے پرے تک ترے قدم
پیمائشِ جہاں تِری پرکار سے ہُوئی
Imkaam ki hadon se paray tak tere qadam
Pemaish-e-jahan teri parkaar se hui
ساحل کی آرزُو نہیں تعلیمِ مُصطفےٰؐ
یہ ناؤ تو روانہ ہی منجدھار سے ہُوئی
Saahil ki aarzoo nahi taleem-e-Mustafa ﷺ
Ye nao to rawana hi manjhdaar se hui
مظلوم کے لہو کا مقدّر بھی جاگ اٹھا
اس کی بھی قدر آپ کی تلوار سے ہُوئی
Mazloom ke lahu ka muqaddar bhi jaag utha
Is ki bhi qadr aap ki talwaar se hui
پتّھر بھی کھائے میرے رسُولِ کریمؐ نے
معراجِ حق بھی زینۂ ایثار سے ہوئی
Patthar bhi khaye mere Rasool-e-Kareem ﷺ ne
Mairaaj-e-haq bhi zeena-e-eesar se hui
تخلیقِ کائنات بھی صَدقہ حضورؐ کا
تزئینِ کائنات بھی سرکار سے ہُوئی
Takhleeq-e-kainaat bhi sadaqa Huzoor ﷺ ka
Tazeen-e-kainaat bhi Sarkaar se hui
عِزّت ہُوئی جہاں میں مظفّر کی آپؐ سے
زر سے ہُوئی نہ جُبّہ و دستار سے ہُوئی
Izzat hui jahan mein Muzaffar ki aap ﷺ se
Zar se hui na jubba o dastaar se hui
Share This Naat
Share with friends and family
جو بات ظُلم سے نہ ہُوئی پیار سے ہُوئی
مظفر وارثی