گنہ گاروں کو نبیﷺ کا آستاں بخشا گیا
اس طرح گویا ہمیں سارا جہاں بخشا گیا
Gunah garon ko Nabi ﷺ ka aastan bakhsha gaya
Is tarah goya hamen sara jahan bakhsha gaya
جو ہے سارے پیشواؤں کا مسلّم پیشوا
ہم کو وہ مخصوص میرِ کارواں بخشا گیا
Jo hai sare peshwaon ka musallam peshwa
Ham ko woh makhsoos Meer-e-karwan bakhsha gaya
کتنے خوش قسمت ہیں ہم سجدہ گزارانِ حرم
رحمتِ عالم کا ہم کو آستاں بخشا گیا
Kitne khush qismat hain hum sajda guzaran-e-haram
Rehmat-e-alam ka ham ko aastan bakhsha gaya
رہ چکا ہے جو کبھی مہمانِ رب العالمیں
زائرینِ طیبہ کو وہ میزباں بخشا گیا
Reh chuka hai jo kabhi mehman-e-Rabb al'almeen
Zaireen-e-Taiba ko woh maizban bakhsha gaya
مختصر لفظوں میں یہ ہے شرحِ لولاک لما
ساکنانِ ارض کو اِک آسماں بخشا گیا
Mukhtasir lafzon mein ye hai sharh-e-lolak lama
Sakinan-e-arz ko ik aasmaan bakhsha gaya
رہ چکی ہے جو زمیں وابستہء پائے رسولﷺ
اس زمیں کو موسمِ خلد و جناں بخشا گیا
Reh chuki hai jo zameen wabastah-e-paaye Rasool ﷺ
Is zameen ko mausam-e-khuld o janaan bakhsha gaya
ہے مدینے کی زمیں وہ شاہکارِ دستِ غیب
جس کے صحراؤں کو رنگِ گلستاں بخشا گیا
Hai Madine ki zameen woh shahkar-e-dast-e-ghaib
Jis ke sahrawon ko rang-e-gulistan bakhsha gaya
ریگزاروں میں جہاں کھلتے ہیں گلہائے علوم
ساکنوں کو جس کے اوجِ قدسیاں بخشا گیا
Rehgzaron mein jahan khiltay hain gula-haye-ulum
Sakinon ko jis ke ouj-e-qadsiyan bakhsha gaya
ہاتھ پھیلاتے نہیں حلقہ بگوشانِ رسولﷺ
ہم گداؤں کو مزاجِ سروراں بخشا گیا
Hath phelate nahi halqa baghoshan-e-Rasool ﷺ
Hum gadaon ko mizaj-e-sarwaran bakhsha gaya
شوکتِ شاہانِ عالم اس فقیری پر نثار
جس فقیری کو نبی ﷺ کا آستاں بخشا گیا
Shaukat-e-shahan-e-alam is faqiri par nisaar
Jis faqeeri ko Nabi ﷺ ka aastan bakhsha gaya
Share This Naat
Share with friends and family
گنہ گاروں کو نبیﷺ کا آستاں بخشا گیا
پروفیسراقبال عظیم