نہ صرف قلبِ تپاں کی ہے تازگی کے لیے
’’نبیؐ کی نعت ضروری ہے زندگی کے لیے‘‘
Na sirf qalb-e-tapan ki hai taazgi ke liye
"Nabiؐ ki naat zaroori hai zindagi ke liye"
نبیؐ کے نقشِ کفِ پا پہ رکھ کے سر اپنا
جبیں پہ نقش سجاتے ہیں بندگی کے لیے
Nabiؐ ke naqsh-e-kaf-e-pa pe rakh ke sar apna
Jabeen pe naqsh sajate hain bandagi ke liye
تصوّرات میں رکھتا ہوں گنبدِ خضریٰ
سخن سخن میں ثنا کی شگفتگی کے لیے
Tasawuraat mein rakhta hoon gunbad-e-khazra
Sukhan sukhan mein sana ki shaguftagi ke liye
تصنُّع انؐ کے فقیروں کو راس آتا نہیں
نگارِ خلد ہے انعام سادگی کے لیے
Tasannu anؐ ke faqeeron ko raas aata nahi
Nigar-e-khuld hai inam saadgi ke liye
ملے جو ساقیِ کوثرؐ کے ہاتھ سے مجھ کو
تو ایک گھونٹ ہی کافی ہے تشنگی کے لیے
Mile jo saqi-e-kausarؐ ke haath se mujh ko
To aik ghont hi kaafi hai tishnagi ke liye
دیا حضورؐ کی یادوں کا شب میں جلتا ہے
ہے خاص نسخہ یہی دل کی تیرگی کے لیے
Diya Huzoorؐ ki yaadon ka shab mein jalta hai
Hai khaas nuskha yehi dil ki teeragi ke liye
ہم انؐ کا اسمِ مبارک ہیں چومتے طاہرؔ
قرینہ کتنا حسیں تر ہے تازگی کے لیے
Hum anؐ ka ism-e-mubarak hain choomte Tahirؔ
Qareena kitna haseen tar hai taazgi ke liye
Share This Naat
Share with friends and family
نہ صرف قلبِ تپاں کی ہے تازگی کے لیے
پروفیسر محمد طاہر صدیقی