جِتنے بھی اِس جہان میں ذِی احترام ہیں
ہر ایک کے ہمارے محمد امام ہیں
Jitne bhi is jahan mein zi ehtaram hain
Har aik ke humare Muhammad imam hain
اُن کی تو کوئی بات بھی حق ٹالتا نہیں
محبوبِ کبریا ہیں رسولِ انام ہیں
Un ki to koi baat bhi haq talta nahi
Mahboob-e-kibriya hain Rasool-e-Anam hain
دنیا کے تاجدار بھی رکھتے ہیں سر جہاں
ہم بھی کرم سے بس اُسی در کے غلام ہیں
Dunya ke tajdar bhi rakhte hain sar jahan
Hum bhi karam se bas usi dar ke ghulam hain
کون و مکاں کی رونقیں شمس و قمر کا نور
اِک اُن کی ذات کے لئے سب اہتمام ہیں
Kaun o makaan ki raunaqein shams o qamar ka noor
Ik un ki zaat ke liye sab ahtimam hain
اللہ اکبر اُن کے درِ پاک کی عظمت
حاضر یہاں ملائکہ بہرِ سلام ہیں
Allah Akbar un ke dar-e-paak ki azmat
Hazir yahan malaika behr-e-salaam hain
جو ہو گئے ہیں نامِ شہِ دین پر نثار
زندہ اُنہیں کے آج زمانے میں نام ہیں
Jo ho gaye hain naam-e-sheh-e-deen par nisaar
Zinda unhi ke aaj zamane mein naam hain
عشقِ رسول میں جو گزاریں گے زندگی
دنیا و آخرت میں وہی شاد کام ہیں
Ishq-e-Rasool mein jo guzaarein ge zindagi
Dunya o akhirat mein wahi shaad kaam hain
ہے طاعتوں کا لُطف تو اُن کے دیار میں
طیبہ کے دلنشین سجود و قیام ہیں
Hai ta'atoun ka lutf to un ke deyar mein
Taiba ke dilnashin sujood o qayaam hain
دونوں جہاں میں خیر سے مرزا وہ رہیں گے
جن کے لبوں پہ خوب درود و سلام ہیں
Dono jahan mein khair se Mirza wo rahein ge
Jin ke labon pe khoob darood o salaam hain
Share This Naat
Share with friends and family
جِتنے بھی اِس جہان میں ذِی احترام ہیں
مرزا جاوید بیگ عطاری