مصروف صبح و شام ہیں ان کی عطا کے ہاتھ
پہنچا رہے ہیں فیض مِرے مصطفےٰ کے ہاتھ
Masroof subh o shaam hain un ki aata ke haath
Pohncha rahay hain faiz mere Mustafa ke haath
کچھ نہ بگاڑ پائیں گے جوروجفا کے ہاتھ
جو بِک گیا ہے عشقِ شہِ دوسرا کے ہاتھ
Kuch na bigaar paain ge jor o jafa ke haath
Jo bik gaya hai ishq-e-Sheh-e-Dosra ke haath
اُٹّھے تو چاند شق ہو پلٹ آئے شمس بھی
بے مثل و بے نظیر ہیں خیرالوریٰ کے ہاتھ
Uthe to chaand shaq ho palat aaye shams bhi
Be misil o be nazeer hain Khair-ul-wara ke haath
طغرا ہے میرے دل میں محمدﷺ کے نام کا
مجھ تک پہنچ نہ پائیں گے ہر گز بلا کے ہاتھ
Tughra hai mere dil mein Muhammadﷺ ke naam ka
Mujh tak pohnch na paain ge har giz bala ke haath
چوموں گا میں تو حشر میں نعلینِ مصطفےٰ
میرے کہاں یہ ہونٹ کہاں مصطفےٰ کے ہاتھ
Choomoonga main to hashr mein naalain-e-Mustafa
Mere kahan ye hont kahan Mustafa ke haath
پھر کیوں تجھے بُرا لگا گستاخِ مصطفےٰ
ہم نے انگوٹھے چوم لیے جب اُٹھا کے ہاتھ
Phir kyun tujhe bura laga gustakh-e-Mustafa
Hum ne angothay choom liye jab utha ke haath
چھوٹا نہیں بلال سے عشقِ نبی کا رنگ
شل ہوگئے شفیقؔ وہ جور و جفا کے ہاتھ
Chhota nahi Bilal se ishq-e-Nabi ka rang
Shal ho gaye Shafiq woh jor o jafa ke haath
Share This Naat
Share with friends and family
مصروف صبح و شام ہیں ان کی عطا کے ہاتھ
شفیق ؔ رائے پوری